A Concellería de Cultura do Concello de Laxe mantennos informados das actividades que está a realizar neste mes de novembro. Mes no que continúan as clases, no seu horario habitual, de ximnasia de mantemento, deporte, pilates, patinaxe, fúltbol, ximnasio... e outras máis! Entre elas as da Escola Municipal de Música, que se desenvolven no baixo do edificio de protección civil e no local de Soesto. Apuntan ademais que ainda quedan prazas vacantes, polo aínda se poden inscribir no Pavillón municipal a partir das 16:30 hs. A primeira das actividades este mes terá lugar o domingo 7, hai saída da Escola de Teatro ao Centro Cívico de Caranza (Ferrol). Alí actuarán os grupos de primaria e adultos ás 18:00 hs. Para o sábado 13 terá lugar a Celebración de Magosto Popular na parroquia de Laxe: Actuación da Asociación Cultural Maruxía e reparto de castañas e bebida de balde. Será ás 19:00h no Patio cuberto Parvulitos. O domingo 28 toca celebración de Patrona da Música “Santa Cecilia” cun Concerto Musical en Familia co Grupo Campo de Estrelas. Será ás 19:30h no Salón de Actos.

Cursos de informática

Continúan ademais en marcha os cursos de de Iniciación á informática en horario de mañá. Ademais o Horario de Aula aberta aos/ás usuarios/as: luns, martes e xoves de de 16:00 a 19:00 horas.

Actividades en familia

Tamén comeza o Programa de Espazos Familiares, “Preescolar na casa”. Horarios: Mañá e tarde de luns cada 15 días. Lugar: Local de Fenllido. E tamén, os martes en Soesto e os xoves en Laxe, teñen lugar os Obradoiros de Actividade de mente. Horario: Polas mañás. Lugares: Local Social de Soesto e/ou Salón de Sesións Casa do Concello. Por outra banda, o luns 8 de novembro comeza o curso "Un bo comezo", dirixido a mulleres embarazadas. E durante todo o mes, o punto de recollida de móbiles e de pilas usadas segue aberto. Os Puntos de Recollida son: Pranta baixa da Casa do Concello, Aula de Informática, Biblioteca Municipal e Axencias de Lectura de Traba e A Torre.