Sábado. 25.06.2022
El tiempo

Por unha rúa para Luís Cancela Vecino, “o mellor alcalde que tivo Malpica”

Luis Cancela Vecino Alcalde de Malpica
Por unha rúa para Luís Cancela Vecino, “o mellor alcalde que tivo Malpica”

Poucas veces un político ten un consenso de todas as forzas políticas. Pero así o comprobamos a semana pasada, cando o pasamento de Luis Cancela Vecino, foi lembrado por todas as forzas políticas nas redes sociais. Cancela foi o primeiro Alcalde elixido democraticamente no ano 1979 permanecendo no cargo ata o ano 1991. Baixo as siglas do BNG “realizou unha inxente labor que perdura no paso do tempo”, poñendo en “funcionamento os principais servicios e infraestruturas, e realizou unha labor importantísima tanto no eido cultural como no deportivo”, destacan dende o BNG local.

Nese sentido, o voceiro Miguel Varela vai facer unha petición formal ao grupo de goberno para realizar un acto público de recoñecemento e unha rúa ou espazo urbano ao seu nome.

Varela lembra a súa honestidade e xenerosidade no mundo da política, pero non esquece que que foi profesor e director do IES Monte Neme de Carballo. “Un bo político, bo mestre e mellor persoa”, defíneo Varela, que ten claro que foi “o mellor alcalde que tivo Malpica”.

comentarios