200 veciñ@s de Esteiro únense en menos dun día para salvar o Petón
En apenas unhas horas, Esteiro ao completo está en marcha. Baixo o lema Salvemos o Petón, unhas 200 persoas acodiron á chamada civil para loitar a construción dun muro privado en primeira liña de praia de Paramean, na parroquia muradá de Esteiro. A veciñanza uniuse no local da Sociedad Esteirana, e despois acodiron ao lugar para botar unha foto en familiar e deixar patente o seu rexeitamento a estas obras, que onte foron paralizadas por Costas, por invadir a zona de tránsito, pero que poderían ser reanudadas en calquera momento.
Coa participación de todas as asociacións consensuario un comunicado de prensa (que completaremos en canto o envíen) facendo constar o malestar polo agravio comparativo que representan estas obras con respecto a outros veciños que tamén están afectados pola nova lei de Costas, e polas distintas varas de medir coa que algunhas institucións aplican devandita lei.
Unha demostración exemplar de capacidade de convocatoria e sobre todo de unión veciñal, a que está facendo o pobo de Esteiro. De feito, a veciñanza xa está preparando unha serie panfletos de recollida de firmas, que estarán nos diferentes locales de Esteiro, mentres xa recollen sinaturas na plataforma change.org.
Así mesmo, reclaman xa a través do concello de Muros unha reunión coa Xunta de Galicia e Costas de A Coruña para facerlle chegar de primeira man o malestar xerado no pobo e que reconsideren os permisos otorgados para o levantamento do muro.
