Xa comeza amosar o seu potencial a recén estreada Escola de Pilotoxs das Carrilanas Esteiro. O piloto local Pablo Molinos Buján (11 anos) estreaba o proxecto debutando na primeira proba do Campionato Galego de Karting 2021. O circuíto de A Madalena (Forcarei - Pontevedra), a primeira experiencia dun mozo esteirán máis alá do Gran Prix de Carrilanas.

Aínda que o obxectivo para a tempada é o de aprender e disfrutar, Pablo acadou o primeiro posto en todas as mangas disputadas, demostrando o potencial que ten esta simbiose entre carrilanas e karting.

A xornada do domingo comezaba co mellor tempo nos adestramentos oficiais o que lle permitía saír na "pole" e facerse coa victoria da primeira manga na que os seguintes clasificados tiveron problemas e non conseguiron seguir o ritmo do piloto esteirán. Para a derradeira carreira, Pablo partía de novo no primeiro posto da saída lanzada pero nesta ocasión a carreira estivo marcada pola igualdade xa que os pilotos de cabeza entraban en meta practicamente cunhas diferenzas de menos de 2 segundos entre o terceiro e o primeiro clasificado tras 12 voltas.

Un fantástico inicio para o proxecto que continúa a súa andaina o día 6 de xuño no circuíto de A Pastoriza.

Novas relacionadas

• Abril 2021: As Carrilanas Esteiro abren unha Escola de Pilotxs.
• Febreiro 21: As Carrilanas de Esteiro xa son Festa de Interese Turístico Nacional
• “O Gerente” cede todo seu legado ás Carrilanas.
• Carrilanas 2019: Un Goya para as Carrilanas de Esteiro.
• 2018: Un 10 para as Carrilanas de Esteiro.
• 2016: As Carrilanas de Esteiro, en vídeo.
• Carrilanas 2016: As Carrilanas de Esteiro, moito máis que un Gran Premio de F1.