Venres. 30.10.2020
El tiempo

Un Concurso Cavernícola para dinamizar a vida musiqueira da contorna de Muros

Un Concurso Cavernícola para dinamizar a vida musiqueira da contorna de Muros
Concurso Cavernicola de Muros

Fantástica a iniciativa do pub A Caverna de Muros. I é que todo o que sirva para dinamizar a vida cultural e musiqueira da Costa da Morte ten que ser benvida. Desta volta o, pub artella o 1º Concurso Cavernícola de Bandas, que pretende reunir á maioría de músicos afeccionados da contorna de Muros.

O Obxectivo é promocionar a todas as persoas que levades tempo aporreando instrumentos e vos apetece tocar diante dos fans e gruppies participando neste concurso que dirimirá cal é o mellor grupo/artista musical da nosa comarca!! O gañador será premiado con 300€!!
Non importa que sexades unha banda completa, un solista, un home orquestra… todo o que soe vale!

Pola Sala Nasmo

Ademais, o pub quere poñer en valor o traballo que fai pola música local a Sala Nasmo, onde unha chea de agrupacións musicais ensaian todas as fins de semana de xeito totalmente gratuíto, polo que deseñaron unha fonte de microdoazóns ca adquisición das cartas de votación.

Os Fision Boys ensaiando na Sala Nasmo de Muros

Inscrición

Para apuntarse debedes enviar antes do 31 de xaneiro, unha mensaxe ao correo electrónico: [email protected] ou cunha mensaxe privada no perfil de facebook de A Caverna Muros (www.facebook.com/acaverna.muros) deixando un correo electrónico, no cal recibiredes as bases do concurso, e a través do cal se vos irá informando dos días de concerto de cada banda e da evolución do concurso.

Novas relacionadas

Máis novas musiqueiras

Fonte

comentarios