Dentro da programación de festas do Espírito Santo de Campo de Cortes, en Muros a ACRDM O Rumial incorpora un Rali Fotográfico que terá lugar este domingo 12 de maio. Un evento que é froito das gañas de mellorar e incorporar temas culturais a programación de festas, que continuarán a golpe de verbena os vindeiros 18 e 19 de maio.

O Rali está estruturado en tres categorías a saber: Reflex, Compacta e unha especial por edades entre 0 – 14 anos. Tendo en conta as categorías está claro que ninguén queda fora.

O inicio do Rali será as 10:00, entrega de credenciais e posterior ruta por Campo de Cortes, recorrendo todos os lugares que fan distinto esta zona de Muros, visitaremos Santa Cruz, San Marcos, O Rumial e unha volta por todo o lugar para rematar no Espírito Santo.

Esta iniciativa xa está tendo os seus resultados, neste momento están inscritos uns 40 fotógrafos dispostos a apretar o obturador. Un dos fotógrafos colaboradores na organización do evento é Mino Andrade, fotografo local afincado en Compostela que acaba de expoñer en Muros o seu proxecto “unha equipaxe de volta”, participa na exposición FotoforumCompostela na Facultade de CC Comunicación, fotógrafo do evento Atlántica 2013, etc.

Poden inscribirse en fotocampodecortes@gmail.com, ou chamar 645811032.

Novas relacionadas

• Os novos sucesores de Ramón Caamaño teñen obxectivo da Costa.
• Costa da Morte: un espazo de rali… fotográfico.
• Fotocolaboradores QPC: “Dende o seu punto de vista”.

Fonte

• Redacción de QPC (info@quepasanacosta.gal).