Segue a Costa da Morte demostrando o seu potencial en materia coral. Hoxe a Coral Polifónica "Virxe da Barca" de Muxía invita a toda a bisbarra ao acto de presentación do seu primeiro disco "Muxía é unha serea". A cita terá lugar o vindeiro sábado día 7 ás 19:30 horas no Salón do Voluntariado de Muxía e será presentado por Xusto López Carril..

Trátase do disco que vén de gravar co patrocinio da Deputación de A Coruña e a Fundación Mans-Paideia que leva por título "Muxía é unha serea". Unha composición orixinal, en letra e música, da directora da mesma, Rosario Vázquez Freire.

Concerto en 2 actos

A Coral interpretará un programa con 2 partes diferenciadas, na primeira delas cinco panxoliñas:

• 1.- Toca o pandeiro, Manuel (Tradicional, Galiza - Arranxos: R. Vázquez Freire)
• 2.- Gloria in excelsis Deo (Tradicional, Francia)
• 3.- Natal (Tradicional, Portugal)
• 4.- Boliños do pote (Tradicional, Galiza)
• 5.- Suite comercial navideña (Arranxos: J. B. Álvarez)

E na segunda, 5 temas que forman parte do disco:

• 1.- Habaneras de Cádiz (A. Burgos – C. Cano)
• 2.- Más vale trocar (J. del Enzina, S. XV)
• 3.- A Rosalía (M. Curros Enríquez – L.E. Batallán – Arranxos: R. Vázquez Freire)
• 4.- Los campanilleros (Tradicional, Andalucía)
• 5.- Muxía é unha serea (Rosario Vázquez Freire)

Os discos poderán adquirirse ao módico prezo de 5 euros.

Novas relacionadas

• A Coral Polifónica Virxe da Barca presenta novo disco.
• A Coral da Virxe da Barca de Muxía edita un novo CD.
• O cante coral invadíu as Terras de Soneira.
• As corais da Costa lánzanse ao pop.
• A participación da Costa da Morte na Rede Cultural da Deputación.
• A Coral Xan Mella graba un CD entre a súa apretada axenda .

Fonte

• Rdacción de QPC (info@quepasanacosta.gal).
• Información da Coral Polifonica Virse da Barca da man de Charo Vázquez Freire.