Venres. 29.03.2024
El tiempo

O Oso Polar meteu en apretos ao Arteixo e se prepara para a salvación

O Oso Polar meteu en apretos ao Arteixo e se prepara para a salvación
A piques estivo o Oso Polar de remontar ante o Arteixo pero a calidade dos arteixáns e a súa veteranía forin claves para manter os puntos. Así e todo, cómpre resaltar o gran partido dos costeiros, que demostraron unha vez máis que lle pode dar un susto a calquera equipo, e por suposto, gañar os partidos craves que quedan por diante para conseguir a salvación.

Sénior masculino

  • Resultado: Oso Polar - CB Arteixo (64-84)
  • Oso Polar (12+15+17+20): Fabian (2), Iván (4), Rober (17), José ramón (6), David (18) (5 inicial); Pais (10), manu ( ), José ( ), Santi (7), Andrés ( ), Anxo ( ) e Sergio ( ).
Gran entrada (preto de 200 persoas) no Municipal de Cee para recibir ao Arteixo, un dos equpos da zona noble da táboa que non perdoou. O partido comezou moi igualado con 2 boas defensas, pero os ataques tamén eran capaces de atopar boas opcións. Pero unha serie de desacertos impediron que o Oso Polar tomase unha pequena vantaxe no marcador, e foi o equipo visitante o que marchou con 2 puntos de vantaxe ao final deste primeiro cuarto. O segundo e terceiro cuarto discorreron nos mesmos termos, pero co cb arteixo moi acertado no tiro exterior (anotaron 11 triplos). Con todo o Oso Polar nunca desesperou e loitou todos os balóns coma se fóselles a vida niso. Entrábase no cuarto definitivo con 14 puntos de desvantaxe, pero o equipo da Costa da Morte cría aínda na vitoria. Cunha fe non vista ata a data en demasiados partidos o Oso Polar conseguiu colocarse a 7 puntos de diferenza a falta de 2:30 para acabar o partido, pero a partir de aí acabáronse as forzas e a paciencia do equipo local, tamén un pouco desesperado polo acerto desde máis aló de 6,25 do equipo visitante, e unha serie de perdas de balón consecutivas levaron a un resultado final que non reflicte o ocorrido nos 38 minutos anteriores.

Vindeira cita

A próxima xornada o Oso Polar visita a cancha do recimil ferrolán o domingo ás 12:00h, coa máxima ilusión de arrincar unha vitoria importantísima na carreira por manter a categoría.

Infantil masculino

  • Resultado: Ferroatlántica - CB Artai (26-63).
Moi bo partido o disputado polos mozos da Costa da Morte a pesar do resultado. Unha gran defensa do equipo local marcou todo o partido, con todo en determinados momentos as perdas de balón fixeron que o equipo de carballo fose marchándose aos poucos no marcador. A outra diferenza fundamental entre os 2 conxuntos foi que o equipo local errou un número importante de canastras fáciles que lle houbesen boto estar máis cerca no marcador. En calquera caso felicitar aos xogadores do Ferroatlántica, que na primeira volta da competición caeran derrotados en carballo por máis de 80 puntos de diferenza, demostrando deste xeito que a evolución no que vai de tempada foi moi importante.

Cadete Feminino

  • Resultado: Cb Artai - Romar Moreira Construcións (Susp.).
O partido disputado na mañá do sábado en carballo estaba resultando moi igualado, ata que ao comezar o terceiro cuarto, e con 2 puntos arriba para o equipo visitante, o partido tivo que ser suspendido polo mal estado da pista.

Sénior Feminino

  • ES Bazarra - Noia Curropesca.com (39-67)
Partido idéntico a tantos outros da tempada, no que na primeira parte do encontro o equipo da Costa da Morte déixase anotar moitos puntos, cunha defensa moi frouxa. Ademais a isto sumouse un mal balance defensivo coas de noia conseguindo moitas canastras fáciles. Na segunda parte todo cambiou, e púidose ver un encontro moito máis igualado, ata nos primeiros instantes do terceiro cuarto ata se soñou con achegarnos no marcador, xa que se solucionaron os problemas no balance defensivo e a defensa xa era moi boa. Con todo, finalmente impúxose a maior calidade do equipo visitante.

Vindeira cita

A próxima xornada as costeiras visitan ao Adfro, nun partido no que hai moitas posibilidades de sumar a terceira vitoria da tempada (horario por determinar).

Máis información

Novas relacionadas

Fonte

  • Nota de prensa do Oso Polar.

Comentarios