Dura derrota do Conservas Boya Balonmán Camariñas na 9ª xornada da Liga de Ascenso na 1ª autonómica (2ª nacional). O Explotaciones do Morrazo vencía no Areal, onde o mal partido os camariñáns non puido ante o prantexamento práctivos dos pontevedreses.

Así e todo, o soño segue en pé. Os de Dioni Quenlle quedan agora na 3ª praza a tan só 1 punto dos Bueu e do propio Explotaciones.

• Resultado: Conservas Boya Balonmán Camariñas, 29 - Bm. Cangas Exp. Mineiras do Morrazo, 33
• Conservas Boya: Félix (p), Víctor (p), Alan (3), Diego Alonso, Felipe (5), Quin (5), Canedo (5), Moncho (3), Salva (2), Caamaño, Catalán (2), José Ramón (2), Xabi (2), Antelo.

O Camariñas perdeu intensidade defensiva e cometeu moitos erros en ataque, fallaron vantaxosos contraataques, regaláronse balóns en erros non forzados e a precipitación de ir detrás no marcador acabou por decantar a vitoria para o lado dos do Morrazo. E a todo esta hai que engadir que os porteiros tampouco tiveron o seu día.

Con todo isto, perdéronse dous puntos e a diferenza de goles perxudica ao Camariñas, xa que alí se gañara de 3.

Non hai que perder a ilusión, posto que o rival non foi nin física nin tecnicamente superior, senón que soubo aguantar e esperar os erros locais, que foron moitos.

Merece ser destacado sobre os demais a Felipe que cos seus lanzamentos mantivo viva a esperanza local. O soño segue en pé, aínda que agora é algo máis dificil.

Vindeira cita

A próxima cita no Rosal, a fin de semana de San José pendente de confirmar día e hora.

Máis información

• Blog do Balonman Camariñas: balonman.blogspot.com.
• Clasificación da 1ª Autonómica (2ª Nacional).

Novas relacionadas

• Un empate con sabor a vitoria mantén ao Conservas coas aspiracións de ascenso intactas.
• A bestia negra frea ao Conservas Boya.
• O Conservas Boya afianza o liderato e segue soñando.
• A afección do Conservas Boya fai seguir soñando ao equipo camariñán.
• O Balonmán Camariñas consegue a sorpresa da xornada e non renuncia a nada.
• Empate amargo do Balomán Camariñas no seu debut na Liga polo título.
• Bruno López deixa o banco do Balonmán Encaixe.
• O Balonmán Camariñas celebra o seu pase á seguinte fase cunha visita a Cerdeimar e unha boa verbena.
• O Balonmán Camariñas loitará polo título e o celebra cunha festa de Nadal.

Máis novas

• Cerdeimar pechou os actos do 125 aniversario con ilustre compañía.

Fonte

• Nota de prensa do Balonmán Camariñas da man de Perfecto.