A Fundación Eduardo Pondal no Couto en Ponteceso, acolleu a presentación do proxecto “As voces das mulleres”. Un proxecto liderado por Aantena, compañía formada por Bernardino Martínez Castiñeira e Xosé Leis Martínez. A compañía costeira, que continúa coa coprodución dun espectáculo co Centro Dramático Galego e que mantén viva a chama teatral dos naufraxios na Fin da Terra, dá así un novo salto e sumérxese no patrimonio inmaterial da comarca de Bergantiños.

Chaves no proxecto, ademais do financiamento da Deputación da Coruña, tamén son a Asociación Cultural Monte Branco (na presentación estivo Xosé María Varela); o Concello de Coristanco, representado na presentación por Clarisa Couto Castro (Concelleira de Servizos Sociais, Cultura, Turismo e Deporte) é Monica Cancela Pensado (Técnica de Cultura); e o Concello de Malpica.

”As Voces das Mulleres” é un proxecto de Teatro Comunitario para traballar con mulleres en espazos rurais co obxectivo de xerar dramatizacións sobre os seus oficios e as tradicións do lugar e crear un vieiro cultural no Concello. Consiste pois nunha “recollida e rexistro da cultura inmaterial local dende unha perspectiva de xénero en base a criterios antropolóxicos”, explíca Bernardino.

O programa divídese en dúas partes:
- Un Obradoiro de investigación e recollida na que participan unha antropóloga e unha educadora social cunha estrutura baseada na memoria e a mulleres no rural e dar corpo á vida das mulleres invisibles, vidas anónimas.
- Un Obradoiro de teatro comunitario baixo os preceptos de Augusto Boal, co material recollido e seleccionado polas participantes farase unha intervención teatral na que serán elas mesmas as protagonistas das historias para crear un vieiro cultural no pobo a través de varios recunchos ou espazos de lugar.

”Os contidos creados durante o programa nos obradoiros sendo rexistrados en diferentes formatos dixitais, tanto en imaxe, vídeo e son, asi como a creación dun mapa sonoro dos lugares e espazos que figuren na recollida, estando a disposición pública nunha web creada para a ocasión”, explica.

Recollidas

O programa dará comeza esta semana e rematará a finais de marzo, cos seguintes horarios e lugares:

• Fundación Eduardo Pondal, venres de 16:00 ás 18:30 horas.
• Centro cívico Cultural de Malpica, Luns de 16:00 ás 18:30 horas.
• Salón de Actos no Edificio de Servizos Múltiples (Coristanco), Martes de 16:00 ás 18:30 horas.

No programa pode anotarse calquera persoa con inquietudes artísticas para participar nas representacións ou que coñeza a cultura popular do seu lugar, poderán contactar co concello ou entidade correspondente.

NOVAS RELACIONADAS

• Novembro 21: A compañía costeira Aantena recibe unha bolsa para coproducir un espectáculo co Centro Dramático Galego.
• Setembro 21: aAntena recupera a historia dos nosos Naufraxios da Fin da Terra.
• Agosto 21: Volven as pantasmas das Noites dos Naufraxios no Cemiterio dos Ingleses .
• Agosto 21: Volven ás Noites de Naufraxios ao Cemiterio dos Ingleses.
• Novembro 2020: Aantena conseguiu levar o noso patrimonio invisible a Fisterra.
• Agosto 2020: As historias dos naufraxios de Aantena chegan ata Bergantiños.