Continúa a forte marexada no seo do PSOE de Ponteceso, apenas uns días despois de que 6 dos 7 edís socialistas do grupo de goberno de Ponteceso lle pedisen a dimisión ao seu alcalde. Hoxe é a Concelleira delegada de Turismo, Deporte, Festexos e Dinamización Económica, Raquel Fondo, a que quere deixar constancia do seu malestar con Lois Carballido, cun novo comunicado, despois de coñecer que o alcalde vainos convocar para unha reunión este venres.

”Está ben que despois dun ano e medio, o señor Carballido se acorde que o equipo de goberno non está só formado por el, iso que se lle recordou en numerosas ocasións, entre elas o pasado sábado 26 setembro dado que a pesar de que había un pleno extraxudicial no que se incluían facturas dos nosos autónomos, non contou con nós para nada. Iso si, para botarnos a culpa de que non cobraban parece que estábamos aquí formando parte do pleno”, lamenta Fondo.
“Pois Sr. Carballido, se realmente lle importasen os veciños e, entre eles especialmente os autónomos, igual non tiñan falla de chegar esas facturas a pleno... explique como están as contas e déixese de reunións tardías e pense por unha vez na confianza que todos depositamos en vostede no seu día”, critica, facendo referencia a que esas facturas xa se estarían pagando moi tarde.

”Nós sempre estaremos de lado dos nosos veciños e especialmente dos nosos empresarios que xeran riqueza no noso municipio”, sentenza, unha das concelleiras que en principio si que acodirán á reunión.

Novas do caso #PSOEPonteceso

• 30-09-2020: 6 dos 7 edís socialistas do grupo de goberno de Ponteceso pídenlle ao seu alcalde que dimita.
• 29-09-2020: O alcalde de Ponteceso fica só ante a sombra dunha moción de censura.
• 28-09-2020: Os edís socialistas de Ponteceso critican que o alcalde está levando ao concello “á ruína”.
• 01-08-2020: Os edís socialistas a Carballido: "A súa prioridade é máis económica que vocacional”.
• 01-08-2020:Carlos Penedo a Carballido: "Está en politica por outros intereses que non son os intereses da veciñanza”.
• 01-08-2020: Marco Varela a Carballido: "Non por estar no goberno es un Dios”.
• 31-07-2020: Daniel Garcia Cotelo: “O de Carballido é a crónica dunha morte anunciada”.
• 30-07-2020: Unha sentenza corrixe por fin a situación dos empregados do GES de Ponteceso.
• 29-07-2020: Carballido renuncia á súa minguada dedicación e pide o reingreso no Instituto.
• 28-07-2020: Mar de fondo nos grupos socialistas de Muxía e Ponteceso.
• 20-06-2020: 3 edís socialistas apoian a Faustino Lema, cesado “unilateralmente” polo alcalde por “opinar priorizando o interese dos veciñ@s”.
• 14-06-2020: Faustino Santiago explica o seu cese como edil pontecesán: "Non é falta de confianza, é abuso de poder do alcalde”.
• 28-05-2020: Carballido bota outro membro da súa corporación.
• 2019: Socialistas de Ponteceso critican ao alcalde
• 2019: Militantes socialistas de Ponteceso critican o incumprimento o procedemento na elaboración da lista.