Recadados máis de 4000 euros no Festival Solidario de Vimianzo
20:23 28/12/15
O mago Pedro Bugarín amenizou unha parte do Festival Solidario
Máis de 4000 euros e 700 quilos de alimentos. Estas son as cifras que demostran, unha vez máis, a solidaridade dos veciños e veciñas da Costa da Morte.
Conducido polo enorme Javi Mos, onte á tarde tivo lugar na casa da Cultura de Vimianzo a terceira edición do Festival Solidario organizado polo concello vimiancés coa colaboración de Cáritas e Cruz Vermella.
En total foron máis de 400 as persoas que quixeron desfrutar das actuacións dos grupos de baile e pandeireta de Vimianzo, do mago Pedro Bugarín e dos compoñentes da asociación Cherinkas.
Máis de 400 persoas asistiron á gala conducida por Javi Mos
A recadación das entradas, de venda das rifas e distintos donativos superou os 4000€ que se repartirán entre Cáritas e a Cruz Vermella para que os destinen aos fins das súas respectivas asociacións. Tamén houbo unha recollida de alimentos que superaron os 700 quilogramos e que repartirán as asociacións entre as persoas que o precisen. No transcurso da gala sorteáronse 100 agasallos doados polos comercios de Vimianzo.
O éxito desta terceira edición fai que os organizadores xa se sintan coa forza necesaria para a do próximo ano.
Novas relacionadas
- Os maiores de Geriatros, os Apalpadores de Vimianzo
- Cruz Vermella busca familias de acollida para nenos e nenas
- A Cruz Vermella de Vimianzo repartiu este Nadal máis de 2500 quilos de alimentos
- Redacción QPC ([email protected])
- Concello de Vimianzo