Venres. 19.07.2024
El tiempo

As Tanxugueiras estrearán o novo formato do Asalto ao Castelo

Tanxugueiras no Asalto ao Castelo de Vimianzo 2023
As Tanxugueiras estrearán o novo formato do Asalto ao Castelo

Contando xa os días para o sábado 1 de xullo, data do XXVI Asalto ao Castelo de Vimianzo. Unha festa que é moito máis que un festival, pero que ten a música como un dos seus alicerces. Así, a organización co gallo de facer sustentable a festa, decidiu este ano potenciar o primeiro concerto da noite, facendo del un evento especial, para o que haberá que retirar entrada. Ese concerto será protagonizado polas Tanxugueiras, que volverán a Vimianzo empoderando feminino do tradi galego.

As entradas para o concerto das Tanxugueiras xa están á venda en woutick.es, cun prezo de saída de 8 euros. Unha oferta con entradas limitadas antes de que teñan o prezo ordinario de 12 euros online e 15 no despacho de billetes presencial o propio día do evento.

Representación e resto de concertos, de balde

O resto de actividades da festa, tanto a representación teatral do Asalto (o gran distintivo desta Festa de Interese Turístico Galego, como os concertos de toda a madrugada posterior, continuarán sendo de entrada gratuíta.

Casting teatral

Por outra banda, xa está marcada na axenda a primeira cita para buscar actrices e actores para a representación teatral. Dirixida por Guillermo Méndez, a peza teatral serve de motor para quentar ao público que se convirte en irmandiño, para asaltar a fortaleza no medio dunha procesión de fachos e tambores. Para participar hai que presentarse o sábado 13 de maio ás 20h30 na Casa da Cultura de Vimianzo.

MÁIS ASALTOS

Comentarios