Vimianzo continúa coa súa proposta cultural dominical en clave de memoria
O mes de abril é o "O mes da República da Liberdade" no Programa cultural semestral do Concello de Vimianzo. E volve o teatro tras o Mes das contadas, onde os monólogos foron os protagonistas cada domingo na Casa da Cultura.
I é que continuamos loubando a aposta municipal pola programación continua, que permite que a xente saiba que hai obra, e que se anime a baixar ao teatro, creando un hábito cultural fantástico.
Serán 4 domingos os que o auditorio acolla obra, como podedes comprobar en www.axendacostadamorte.com. Este primeiro domingo 7 de abril Ti e mais eu teatro chega coa "Herdanza da nai". O 14 chega o Teatro do Andamio coa coñecida obra da "Lingua das Bolboretas", de Manolo Rivas. Teatro do Morcego será o protagonista o 21, cos seus "Patios da Memoria". E pechará o mes unha tarde de fados con Emanuel Soares, con música tradicional portuguesa e cantos de liberdade.
E ao remate do mes, teremos un maio co habitual Mes das letras, e un xuño, que será adicado ácultura vimiancesa, onde os artistas locais serán os protagonistas.
