Martes. 05.07.2022
El tiempo

60 maiores aprenden na Universidade Sénior da Costa da Morte

Universidade Senior da Costa da Morte
60 maiores aprenden na Universidade Sénior da Costa da Morte

Este semana arrincou no Centro Sociocultural de Baio (Zas), a 4ª edición do Programa de Democratización do Coñecemento que impulsa a Universidade Sénior para as persoas maiores de 50 anos na Costa da Morte. Un curso no que están matriculados 60 alumnos e alumnas.

Universidade Senior da Costa da Morte 2
Na presentación interviron a Vicerreitora de Planificación Académica e Innovación Docente, Nancy Vázquez Veiga, a Directora da Universidade Sénior, Matilde García Sánchez, e mailo Presidente do GDR “Costa da Morte” e Alcalde de Zas, Manuel Muiño Espasandín.

 

Arrincarán co primeiro dos tres módulos, relativo ao Patrimonio Social e Cultural, e o primeiro en dar a clase foi o profesor Xoan López Viñas. Xa o xobes tocoulle a J. Ramón Soraluce Blond falar dos “Camiños da Arte Contemporánea”.

A vindeira sesión será sobre as “Catro etapas da Arquitectura antiga de Galicia”, da man de Álvaro J. Iglesias Maceiras. Será 2 de marzo de 2022, cunha visita cultural no entorno, o día 4 de marzo de 2022, de 10:30 a 13:30 horas.

Durante o mes de marzo desenvolveranse os módulos de Medio Ambiente e de Saúde, tendo o acto de clausura o xoves, 31 de marzo, ás 17 h. coa Conferencia “Cine e Creatividade para Seniors”, a cargo de Domingo Docampo e Manolo Gómez, e a entrega de diplomas.

 

comentarios