A Xunta elimina dúas saídas da Autovía

Zas Costa da Morte cine viejo

A Xunta elimina dúas saídas da Autovía

10:27 23/04/15

Seguen en marcha as obras da Autovía. Pero non está completa, pois a Xunta vén de decidir eliminar 2 das 10 saídas que había programadas no proxecto.

Foi xa hai unhas semanas cando os grupos municipais de Zas pedían explicacións pola eliminación da saída da Piolla, e hoxe lle toca o turno ao BNG de Coristanco preguntar pola eliminación do acceso en San Paio, tamén eliminado debido a “causas técnicas”, que segundo a Xunta, “impiden satisfacer a todo o mundo”, obviando que foron os seus propios técnicos os que desenvolveron o proxecto.

O grupo da oposición coristanquesa califica como “unha mentira máis aos veciños e veciñas”, pois son detalles que os partidos se enteiraron pola prensa, unha vez que o alcalde non lles deu conta ao resto de partidos. I é que sería o enlace coristanqués coa autovía Carballo-Berdoias, que estaba programado e de feito figura na planimetría definitiva do Plan Xeral, recentemente aprobada polo pleno do Concello.

O BNG lamenta, unha vez máis, “a forma escurantista de gobernar do Partido Popular. A obra da autovía estivo parada durante meses e meses, ao final foi incluso recortada, e agora sofre modificacións, sen que o goberno galego, en primeiro termo, e tampouco neste caso o goberno municipal de Coristanco, desen ningún tipo de información á veciñanza”. O BNG entende que, “se se están a acometer modificacións tan importantes ao proxecto inicial, é necesario un novo período de exposición pública do PXOM”.