A Madrid desprazouse o alcalde de Zas, Lolo Muíño, para presentar no Congreso dos Deputados, uha batería de iniciativas para que o Goberno do Estado regule o sector bancario. Fíxoo da man do deputado do BNG Néstor Rego, coa intención de que o goberno poña fin ao proceso de concentración bancaria e ao fechamento de oficinas no rural.

Rego lembrou que nos últimos cinco anos pecharon “máis de 100 oficinas bancarias na Galiza, particularmente en concellos rurais”. Na comarca, ás de Dumbría, Buño, O Pindo, Lira… dos pasados anos, uníronse este mes as de Baíñas e Zas, e pronto tocaralles aos veciños de Cee e Camariñas quedar sen nova sucursal, neste caso do Sabadell.

A idea é “garantir a liberdade de elección das usuarias na prestación de servizos, co estabelecemento dun mínimo legal de atención presencial”. “Nin o Goberno galego pode ser alleo a esta situación, nin o Goberno español que ten as competencias na regulación do sistema bancario. O BNG seguirá traballando para que se manteña este servizo a toda a veciñanza de todos os concellos da Galiza” conclúe o deputado do BNG, Néstor Rego.

Mentres, dende a Xunta non dan resposta ás peticións de nacionalistas nin socialistas. Muíño manifestou a intención de continuar e mesmo intensificar as mobilizacións até lograr frear este proceso de fechamento de oficinas bancarias nos concellos rurais.

NOVAS RELACIONADAS

• A alcaldesa de Camariñas ordea retirar os fondos municipais do Banco Sabadell tralo anuncio do peche da sucursal.
• O Concello de Vimianzo retira os seus fondos de Abanca.
• 09-09-2021: Os alcaldes de Zas, Vimianzo e A Baña reiteran a súa petición dunha entrevista co presidente da Xunta.
• 07-09-2021: Entregan 5.500 sinaturas contra o inminente peche das sucursais de Abanca en A Baña, Vimianzo e Zas.
• 02-09-2021: Medio millar de veciñ@s de Vimianzo e Zas manifestaron na Coruña o seu malestar polo peche das sucursais de Abanca
• 25-08-21: A veciñanza de Vimianzo e Zas álzase contra o peche das sucursais de Abanca.
• 20-08-2021: A veciñanza de Baíñas demostra o seu rotundo rexeitamento ao peche da sucursal de Abanca.
• 20-08-2021: A FEGAMP comprométese a analizar a política de abandono do rural de Abanca.
• 14-08-21: Os Concellos de Vimianzo e Zas unen forzas contra o peche das sucursais de Abanca.
• 12-08-2021: A veciñanza de Baíñas concentrouse contra o peche da sucursal de Abanca.
• 12-08-2021: Zas mobilízase contra o peche da oficina de Abanca.
• 04-08-2020: Lamentan o peche da oficina de Abanca en Dumbría.
• Cousas que existían pero que descubrimos coa pandemia: Os bancos, tal como os coñecemos, camiño de ser un recordo.