Martes. 19.03.2019
El tiempo

RECORTES

O tenso pleno de Zas ratificou o apoio á loita pola recuperación das 35 horas de pediatra

Familias da Coordinadora Zas sen recortes en pediatría no pleno de Zas
Familias da Coordinadora Zas sen recortes en pediatría no pleno de Zas
O tenso pleno de Zas ratificou o apoio á loita pola recuperación das 35 horas de pediatra

Tenso pleno o pasado venres no Concello de Zas, que servir para debatir sobre o estado de saúde da sanidade pública galega. O goberno presentaba 3 mocións nas que denunciaba os recortes na materia tanto a nivel autonómico como a nivel local, pedindo en todas a dimisión do Conselleiro de Sanidade.

O punto da orde do día máis quente, debido á presencia de varias familias da Coordinadora Zas sen recortes en pediatría, era a rúbrica do apoio municipal á loita pola recuperación das 35 horas semanais de servizo. Un pleno que chegaba apenas un día despois da visita de Feijoo á zona. As familias volveron denunciar a persecución da Policía Autonómica e lamentaron que o presidente da Xunta nin se dignara a preguntarlles.

Pola súa parte, o voceiro do PP asegurou que tamén quere recuperar as 35 horas, pero as familias non confían nel e así llo trasladaron con rotundidade durante un pleno, a pesar de ter explicado en innumerables ocasións que “non son nin de dereitas nin de esquerdas; somos os de abaixo”, rezan as súas pancartas.

As mocións pedían ademais a dimisión do Conselleiro de Sanidade, e foron aprobadas con todos os votos a favor menos a abstención do PP.

Os esquecidos Centros de Saúde

A precaridede dos Centro de Saúde de Zas e Baio foi outro dos puntos da orde do día. Por unha banca, o abandono do centro zaseiro, para o que o Concello leva anos pedindo melloras que a Xunta non quere asumir.

Se cadra máis grave é aínda a situación do Centro de Saúde de Baio, situado no edificio das Vellas Escolas. Un lugar acondicionado pero que dista moito das condicións ideais dun centro sanitario. O alcalde Manuel Muíño lembrou que en 2017 mantivera unha co Conselleiro, e mesmo chegou a vir un técnico para darlle saída; pero acusou ao voceiro do PP de Zas, que leva prometendo o centro de saúde en Baio dúas lexislaturas, de botar todo para atrás.

Todas as novas sobre os recortes no pediatra

Máis novas

Comentarios