Unha páxina web recolle a información sobre o patrimonio arqueolóxico de Carnota En Carnota xa é unha realidade chegar cun só click ata a Idade do Bronce percorrendo así máis de 3.000 anos de historia. museoaberto.carnota.gal é unha web, promovida polo concello carnotán, na que se atopa información de cinco dos sete conxuntos de arte ruprestre do municipio, da Torre dos Mouros e do Castro de Mallou. Cada un dos restos arqueolóxicos conta cunha galería de imaxes, unha descripción e unha explicación de como chegar ata el. Dende a páxina web - dispoñible en galego e castelán - o navegante pode visitar A Laxe Escrita, As Laxiñas, Filladuiro/Filladouro, Prousos Magos, Rego Lamoso, A Torre dos Mouros e o Castro de Mallou. Desta forma, o concello de Carnota e a implicación social consiguen poñer en valor o rico patrimonio arqueolóxico do municipio. Mostra diso foi o pioneiro proxecto Castro de Mallou que, grazas a un programa de voluntariado posto en marcha no ano 2013 conseguiron implicar a unha gran cantidade de veciños e veciñas, así como arqueólogos e outros expertos na materia que participaron de forma voluntaria durante dez días nun programa de recuperación do monumento.   Máis información

• museoaberto.carnota.gal
• www.castrodemallou.net

    Novas relacionadas

• Carnota adícalle unhas xornadas ao voluntariado arqueolóxico
• O Castro de Mallou abriuse aos veciños nun novo exemplo de arqueoloxía social
• O Castro de Mallou xa vive.
• O Castro de Mallou, o novo Proxecto dos Mouros.
• Carnota repetirá viaxe de Castros a Castelos tralo rotundo éxito das Xornadas.
• Fósiles no Monte Pindo?.
• A antoloxía poética do Monte Pindo trae xa os seus versos do Olimpo.
• Herdeiros pola Forza: O patrimonio volve ás mans da cidadanía.
• Primeira etapa da Torre dos Mouros, un proxecto do pobo.
• A #TorredosMouros cambia a forma de facer arqueoloxía.
• Pepe do Fieiro: “Dicían os nosos vellos…”.

Fonte

• Redacción QPC (info@quepasanacosta.com)
• Concello de Carnota