Dous días van dende a decision do Goberno Central de paralizar as obras do Parador. Coa oposición política unida para reivindica a infraestrutura, a resposta dos Gobernos populares autonómicos e centrais están a ser polémicos.

Tragsa ou licitación

Hoxe mesmo, Feijoo repetía que "difícil paralizar algo que non empezou", e iso que a setembro de 2011 as obras xa estaban iniciadas como vemos na imaxe. O presidente da Xunta afirmaba que a concesión á empresa semipública Tragsa non é a mellor opción e que dado "o déficit de 100 millóns" en Paradores indicou que "a obra debería ser desenvolta a través dunha licitación a unha empresa privada".

Unha matización coa que para nada está dacordo o alcalde muxián. Félix Porto afirma que "o mecanismo de desenvolver a obra con Tragsa é o normal e o que fai en numerosas ocasións a propia administración autonómica. Ademais é o mellor procedemento e o máis rápido, e tal e como estamos, mañá mesmo poderían comezar as obras, e en 2 anos estarían rematadas".

Nese sentido indicou que a nova licitación sería "inaceptable porque conlevaría cando menos 2 anos máis de retraso". E xa van 10.

Un símbolo

Con todo, Feijoo matizou que o Parador de Muxía "é un símbolo. Non é só un parador, é un compromiso do Goberno" tralo 'Prestige', para insistir en que esta infraestrutura "vaise a levar a cabo".

Para Porto, estas verbas son imaxe do "desprestixio da clase política". E continúa: "É unha decisión que xa está tomada de feito, e que se poñan excusas como estas de que unha empresa semipública non a pode desenvolver non é aceptable. O único que pido é que non se dea marcha atrás", sentenza Porto.

Novas relacionadas

• 15-03-12: A oposición política da Costa da Morte únese polo Parador.
• 14-03-12: O Goberno paraliza o Parador de Muxía.
• 14-09-11: Colocada a primeira pedra do Parador de Muxía que estará en funcionamento a finais do 2014.
• 15-06-11: O Parador de Muxía comezará a construirse en setembro.
• 16-05-11: Dous Ministros visitan a zona do Parador.
• 06-05-11: Aprobados 25 millóns de euros para o Parador de Muxía que será unha realidade en 3 anos.
• 15-04-11: O BNG pregunta polo Parador.
• 20-09-10: Presentado oficialmente o Parador de Lourido.
• 25-01-10: As dúas e distintas vitorias sobre o Parador.
• 22-01-10: A Xunta aproveita aproveita a Fitur para anunciar o desbloqueo do Parador.
• 13-12-09: Fin de ano Parado.
• 13-11-09: O Parador terá que esperar.
• 02-11-09: Cruce de responsabilidades en torno ao Parador de Muxía.
• 30-10-09: O PP afirma que o Parador está parado dende Madrid por irregularidades no concurso.
• 09-09-2009: O Parador apelídase Penela.
• 29-04-2008: Sae a concurso o anteproxecto do edificio do Parador de Muxía.
• O recuncho da Costa (LXXII): A praia de Lourido.

Fonte

• Redacción de QPC ([email protected]).
• Radio Nordés-Cadena Ser.