Este sábado é o día grande do Festival de Contidos Dixitais Carballo Interplay. As narrativas de ficción en twitter e as redes de sororidade abrirán a cita sabatina pola mañá no Pazo da Cultura, antes do café co creadores. Xa as 16:00h volven as proxeccións das webseries; ás 17:00h cun encontro con creadores galegos de internet (II) (con Alba Mancebo, Edu Fernández, Olaxonmario e María Mera), e outra sesión de proxección, antes o gran peche, coa Gala de Entrega conducida por Alberto Rolán a partir das 21:00.

Pero ata hoxe o Carballo leva deixado unha cantidade de actividades de primeiro nivel. Como os paneis da Zona Pro, onde se ten falado de numerosas cousas. “influencers ou intérpretes” repasou como as actrices usan as redes sociais nunha sesión tremendamente interesante. Algo máis pesada foi a sesión cos produtores das principais empresas do eido dixital estatal. Creadores tamén tiveron o seu espazo, tanto españois como Arxentinos, o país invitado.

A mañá do venres foi día aberto á rapazada, e moitos alumnos dos centros de ensino aprenderon parte da historia feminina dos videoxogos con Isabel Cano, e riron a escachar coas creacións de Marcos López (creador doblador da canle Tele Jaita) e do vimiancés Juan Gimel, gran dinamizador da rede costeira.

Despois das proxeccións oficiais, chegaría un dos puntos fortes da noite, a preestrea da nova creación da plataforma Flooxer, Terror y Feria.

A noite do venres remataba co Código Fonte, ou a descrición espida das referencias audiovisuais de Lucía Aldao e María Lado, e co show Hermostra de Charo López.

Unha dos paneis de Zona Pro-Foto-David Tombilla

Presentación da webserie Sígueme do Campamento Kamikaze-Foto-David Tombilla

Votando na sección VOGalego-Foto-David Tombilla

Os Youtubers galegos Juan Gimel e Marcos López

Lucia Aldao e Maria Ldo no Interplay-Foto-David Bombilla

Novas relacionadas

• Carballo Interplay, ou o epicentro mundial dos contidos dixitais.
• 2019: O Campamento Kamikaze abriu o telón do Carballo Interplay 2019 armando un novo Dinosaurio.
• 2019: O Carballo Interplay quenta motores para a súa edición máis ambiciosa.
• 2019: VI Carballo Interplay presenta as súas 34 webseries finalistas2019: Fede Pérez, A Nena Azul e Dinosaurio, triunfadores nos Mestre Mateo.
• 2019: O humor feminista e a sororidade, protagonistas do VI Carballo Interplay
• 2019 Arxentina será o país convidado no VI Carballo Interplay
• Dinosaurio, a webserie do Interplay que narra a caída mundial da internet.
• 2018: O Interplay volveu convertir Carballo na capital estatal dos contidos dixitais.