O Congreso Modelo preséntase este xoves en Carnota
09:35 01/02/11
Este xoves 3 de febreiro, na Casa Consistorial de Carnota, realizarase o acto de presentación do Congreso de Desenvolvemento MODELO. Este acto estará presidido por Andrés Hermida Tratoy, Director Xeral de Promoción do Emprego, e contará coa presenza dos alcaldes de Carnota, Corcubión e Vimianzo (onde se desenvolverá en marzo e abril), de Ricardo Garcia Mira, profesor da facultade de Psicoloxía e membro do comité científico do congreso, e Lola Pena, presidenta de Afiprodel.
No acto presentarase o programa e as actividades do congreso e daranse a coñecer as comunicacións seleccionadas de entre as recibidas para ser expostas no congreso.
O acto, que se iniciará ás 12:30, está aberto a todas as persoas que desexen asistir.
15 poñencias
Serán 15 as interesantes conferencias que se poderán escoitar no Congreso. Tras recibir 30 comunicacións, a directiva de Afiprodel escolleron as que consideran 15 propostas máis interesantes enmateria de desenvolvemento rural. Entre elas, unha das máis singulares, poderá ser a conferencia inaugural, que chegará da man de Rubén Lois, ex conselleiro de Turismo pero foi vencellado ao desenvolvemento local.Máis información e inscrición
O procedimento para participar neste apartado está recollido na web www.afiprodel.org e en congreso.afiprodel.org.Novas relacionadas
- A Afiprodel consegue apoio da Xunta para o congreso Modelo.
- Un Congreso Modelo de desenvolvemento na Costa.
- A bitácora da semana (XC): Un blog de profesionais do desenvolvemento local .
- Os tecnicos de emprego dos concellos toman nota do Plan Leader.
Fonte
- Redacción de QPC ([email protected]).