Walter Pardo, acompañado das edís María Manuela Álvarez Rey e Tamara Torrado Roel, recibía este pasado xoves ao portavoz do Grupo Socialista, Xoaquín Fernández Leiceaga. Unha cita para pedirlle á Xunta que “abandone o sectarismo” e colabore na mellora da seguridade do Porto e no mantemento dos servizos público.

O pasado mes de febreiro o Parlamento ao completo para aprobaba unha iniciativa para eliminar os riscos de entrada, despois da presión da oposición ante o tráxico naufraxio do pasado mes de decembro. Un acordo que inclúe a dragaxe da dársena, mellorar a iluminación e alargar o espigón e o dique de abrigo, e que aínda está pendente de realizar.

Ademais, reclamoulle ao goberno galego “colaboración” e “unha actitude máis xenerosa” para apoiar aos concellos pequenos na prestación de servizos públicos, fundamentais para paliar a perda de poboación. Lembrou que “moitos concellos conseguiron xa que os gastos correspondentes aos centros sociais e educativos foran asumidos polo goberno galego”.

O alcalde de Malpica, Walter Pardo, lembroulle á Xunta a necesidade dun impulso ao parque empresarial, o apoio ao sector pesqueiro, a mellora do saneamento das parroquias, a creación dun novo Centro de Día ou o impulso do turismo, sinaladamente coa homologación de seguridade necesaria no Camiño dos Faros.

NOVAS RELACIONADAS

• Febreiro 19: Aprobada no Parlamento unha iniciativa para eliminar o risco na entrada do porto de Malpica.
• 31-01-19: A oposición ao completo obriga no Parlamento á Xunta a tomar medidas para o porto de Malpica.
• A seguridade no porto de Malpica volve ao Parlamento.
• A familia malpicá do falecido no mar pide solucións para o porto.
• Decembro 18: Conmoción en Galicia polos dous naufraxios da Costa da Morte.