Imaxe da Gala Correndo a Costa da Morte-Foto-Rafa Quintáns

Xornada emotiva a do pasado venres no Auditorio de Cee. A Gala Correndo pla Costa da Morte xuntou a todo o atletismo costeiro para celebrar unha nova edición dun Circuito que serve para vertebrar a Costa da Morte a través do deporte.

Os técnicos deportivos municipais, os grandes culpables destas fermosa iniciativa

Cos técnicos municipais de Deportes como grandes “culpables” desta singradura, o presentador Terio Carrera foi dando paso aos premiados, despois de ver o vídeo resumo da III Edición do Circuíto 2016 elaborado pola Asociación Pro Enfermos Mentais APEM.

Houbo ducias de premiados, comezando polos que remataron todas as probas, así como os campións en todas as probas. Entre eles Constante Lorenzo Santos e Montse Solís, os campións absoluto en 10K.

Un dos momentos da noite foi o da entrega por parte dos concellos dun cheque por valor de 4.314 € á Xunta Provincial da Coruña da Asociación Española Contra o Cancro, o valor recadado a través do circuito 3K e dos donativos.

Martín Varela dou unha pequena pero espectacular charla, precisamente antes do momento da noite, cando subiron ao estrado as dúas protagonistas da noite. Sara Vieites facía entrega do testigo á nova madriña, unha Susana Gómez que correspondía entregando o dorsal nº 1 permanente a Sara Vieites.

Susana Gómez e Sara Vieites, protagonistas-Foto-Rafa Quintáns

Circuito 2017

Cartel Calendario 2017: - 12-03-17 Camariñas (VI Carreira Pedestre Concello de Camariñas) - 26-03-17 Vimianzo (VII Carreira Pedestre Concello de Vimianzo) - 14-05-17 Mazaricos (II Carreira Pedestre Concello de Marzaricos) - 27-05-17 Dumbría (III Carreira Pedestre Concello de Dumbría) - 03-06-17 Zas (IV Carreira Pedestre Concello de Zas) - 24-06-17 Cee (IV Carreira Pedestre Concello de Cee) - 09-07-17 Muxía (IV Carreira Pedestre Concello de Muxía) - 20-08-17 Carnota (XXVI Carreira das Areas do Concello de Carnota) - 16-09-17 Corcubión (XVI Carreira Pedestre Vila de Corcubión) - 15-10-17 Fisterra (IV Carreira Pedestre Concello de Fisterra) Novidades: - Crearase unha competición por equipo nos circuíto 3K e 10K cun mínimo de 5 atletas e un máximo de 10, dos cales un 40% teñen que ser mulleres. - Crearase unha categoría de “Deporte Adaptado” en cadeira de rodas. Trofeo especial “Conservas Boya”.  

Fonte

• Redacción de QPC (info@quepasanacosta.com).