Parace unha aposta completísima a do Concello de Carballo pola formación en clave de inserción laboral. E así o comprobamos estes días con dous cursos en marcha: o Curso da Bolsa de Traballo Municipal de Mozo de Almacén e Curso de Competencias Clave da Bolsa de Traballo Municipal, nos que participan 75 persoas.

Remata o curso de almacén e comeza o de Competencias

Remataba onte, ca entrega de diplomas o Curso da Bolsa de Traballo Municipal de Mozo de Almacén do que se beneficiaron 25 persoas e no que comezarán as prácticas non laborais en empresas a partir da próxima semana.
Esta acción formativa comezou o 25 de febreiro e acaba de finalizar tralas 140 horas lectivas, das cales a metade son teóricas e outras tantas prácticas en empresas. A partir do 23 de marzo, o alumnado que superou con éxito a formación teórica, poderá comezar a realizar as súas prácticas profesionais non laborais en empresas do sector. Esta acción formativa conta co aval do Instituto Madrileño de Formación (IMF), e foi impartido de forma gratuíta para inscritos e inscritas na Bolsa de Traballo.

Así, onte tamén arrincaba Curso de Competencias Clave da Bolsa de Traballo Municipal (BDT) do que se beneficiarán 50 persoas (inscritas no BDT) e que vén de principiar hoxe no Fórum Carballo. Esta acción formativa ten como obxectivo axudar aos demandantes de emprego a preparar as competencias en lingua galega e matemáticas e a competencia en lingua castelá.
A actividade está dirixida a todas aquelas persoas que desexen optar aos Certificados de Profesionalidade de nivel 2, nos que se lles esixe a cualificación académica da ESO (que non posúen). O alumnado estará dividido en dous grupos, un de mañá (en horario de 9.30 a 13.30 horas) e outro de tarde (de 16.00 a 20.00 horas), e cada grupo conta con 25 prazas. Ao finalizar esta formación, o alumnado estará preparado para acudir ás probas que organiza a Xunta de Galicia (Consellería de Traballo) o 23 de maio en Silleda.

Novas relacionadas

• Carballo abre novos proxectos de formación para 150 persoas.
• Días de formación laboral, medioambiental e de destape cultural por Carballo.
• O comercio bergantiñán afronta os retos de fidelización de incursión 2.0.

Máis novas

• Novos cursos de formación laboral en Bergantiños.
• Os menús dos restaurantes de Carballo, un pouco máis saudables.
• A Cociña Saudable toma o edificio dos 100 actos.
• #inForum: En internet, 20 minutos é moito. 20 horas é un mundo.
• A tribu tecnolóxica galega avalou o #Fainoti con 10 historias singulares no TedxGalicia.
• Onde están os que invisten os nosos cartos ante tremendo nivelón?.
• Bergantiños á vangarda tecnolóxica galega.
• O edificio dos 100 actos.
• 4 novos cursos de formación en cociña, restaurante, soldadura e electricidade en Carballo.

Fonte

• Concello de Carballo.