Venres. 29.03.2024
El tiempo

Laracha desenvolverá un programa de Atención Temperá

Unidade de Atencion Tempera
Laracha desenvolverá un programa de Atención Temperá

Polo sur da comarca 10 concellos comparten Servizo de Atención Temperá. Polo norte concellos como A Laracha teñen que buscar solucións para esta necesidade. E por agora atopounas gracias ao apoio da Consellería de Política Social, que outorga unha axuda de 39.000 para o Servizo de Atención Temperá municipal.

O Concello da Laracha é un dos beneficiarios desta liña de axudas, grazas ás que disporá dun logopeda, un psicopedagogo e un mestre de educación especial.

Cómpre lembrar que a atención temperá consiste nun conxunto de intervencións dirixidas á poboación infantil (0 a 6 anos), á súa familia e ao seu contorno, e que ten por obxectivo dar resposta o antes posible ás necesidades transitorias ou permanentes que presentan os nenos con trastornos no desenvolvemento ou en risco de padecelos, para facilitar a súa autonomía persoal e inclusión social.

Nos servizos de atención temperá que se prestarán no Concello da Laracha ofrecerase unha intervención biopsicosocial que favoreza a adquisición ou a recuperación de funcións e de habilidades persoais e sociais dos nenos. A clave é poder detectar esas dificultades o ante posible para obter os mellores resultados da atención profesional e que redunden nun máis óptimo proceso evolutivo do cativo.

En todo caso, a derivación ao servizo de atención temperá corresponde ao pediatra de referencia do neno, ao que debe acudir a familia se sospeita que pode presentar un trastorno do desenvolvemento.

Novas relacionadas

Comentarios