A Laracha é un dos Concellos que están traballando para facer cumprir a Lei do Solo de Galicia, en relación aos traballos de prevención contra os incendios forestais nas parcelas situadas nos núcleos de poboación. Unha Lei que establece a obrigatoriedade de manter en óptimas condicións de conservación os solares e fincas situados preto das vivendas.

Dende hai varios anos o Concello da Laracha desenvolve unha campaña informativa sobre estas cuestións, con especial incidencia na primavera e no verán por tratarse das épocas de maior crecemento da biomasa.

En base aos informes da Policía Local, nos próximos días iniciaranse o envío dos requirimentos aos titulares de fincas que incumpren a normativa, para requirir aos seus propietarios a execución das actuacións correspondentes á maior brevidade.

Notificacións que deixan claro que o incumprimento pode acarrear sancións, e que o Concello poderá executar susidiariamente os traballos de limpeza e despois trasladarlle os gastos aos propietarios. En calquera caso, dende o Concello esperan colaboración veciñal.

Novas relacionadas

• Xaneiro 2021: O Concello de Camariñas xa envía os primeiros expedientes por non manter limpas as fincas forestais.
• Setembro 2020: A Laracha xa abriu 200 expedientes a propietarios que non limparon as súas parcelas:
• Agosto 2020: Camariñas, un dos poucos Concellos que lembra as obrigas aos propietarios da limpeza das parcelas forestais.
• Xullo 2020: Santa Comba tamén obriga aos propietaron a limpar as súas parcelas.
• Maio 2020: Ponteceso lembra a obrigatoriedade de manter limpas as fincas para previr os incendios.
• Febreiro 20: Camariñas tamén apura aos propietarios a limpar as fincas.
• Agosto 19: Ponteceso atrévese a meter man na xestión das franxas antiincendios.