Instalacións do concesionario Dimolk en Carballo Non son nada malos os datos de matriculacións deste pasado 2016 na bisbarra. Segundo o balance de Automóbiles Dimolk SL, o mercado de vehículos na Costa da Morte creceu un 6% no ano pasado, a un ritmo, en todo caso, algo menor que nos últimos anos (en 2014 houbo un aumento do 19% polo 15% de 2013). Así, a subida nas comarcas de Bergantiños, Soneira, Fisterra, Xallas e Muros é lixeiramente inferior á da nivel nacional, onde o mercado total creceu un 11% finalizando con 1.320.089 unidades. As patronais do sector, Anfac e Faconauto, destacan como causas deste avance no número de matriculaciones “a mellora do clima económico, o esforzo comercial constante de concesionarios e marcas e, a forte actividade turística, que se reflectiu positivamente na canle de alquilador". Nas comarcas de Bergantiños, Soneira, Fisterra, Xallas e Muros, Costa Oeste da provincia da Coruña, este mercado situouse en 1.867 unidades, fronte ás 1.769 do ano 2015, co cal pechou o ano cun incremento do 6% (a 5 puntos do crecemento nacional). Por concellos, os tres con maior mercado foron Carballo, Santa Comba e Vimianzo, mentres os que tiveron un mercado máis miúdo foron Corcubión, Laxe e Mazaricos. En termos de crecemento, Dumbría e Vimianzo son os que mellor números presentan, por contra, Corcubión, Camariñas e Muxía son os que máis descenderon. Esta é a táboa completa de matriculacións:

Concello	Unidades vendidas	Crecemento %
Carballo	485	3%
Santa Comba	165	20%
Vimianzo	127	32%
Muros	117	4%
Cee	102	- 12%
Coristanco	82	6%
Camariñas	91	-19%
Cabana	70	19%
Zas	70	3%
Fisterra	67	26%
Carnota	66	27%
Malpica	65	7
Ponteceso	60	-12%
Dumbría	59	37%
Muxía	54	-19%
Mazaricos	50	19%
Laxe	39	- 15%
Corcubión	15	- 32%

  Por marcas, o podium das máis vendidas foron:

• Peugeot, con 249 unidades e un 13,3% do mercado.
• Volkswagen, con 154 unidades e un 8,25% do mercado.
• Citroen, con 144 unidades e un 7,71% do mercado.

 

Novas relacionadas

• 2016: Marcos Molk: “Deporte, formación e Carballo. DIMOLK tiña que apoiar o Congreso de Fútbol”.
• A venda de coches na Costa da Morte medrou un 19% en 2014.
• A venda de coches creceu un 15% durante o 2013 na Costa da Morte.

Fonte

• Redacción de QPC ([email protected]).