Un repaso a todos os Entroidos da Costa da Morte

Un repaso a todos os Entroidos da Costa da Morte

08:35 12/02/15

Temos recollido xa as citas claves do Entroido 2015 na www.axendacostadamorte.com. Pero hoxe queremos prender o ON-troido con hermanager humor, e ir repasando todas as citas. Un Entroido no que o fisterrán será un dos concursos máis importantes, pero atentos estaremos aos de Vimianzo, Malpica, Dumbría, Cee ou Carballo, entre outros, e tamén teremos o ollo posto nos tradicionais e divertidos enterros.

Hoxe arrinca a troula co Xoves de Comadres de Corcubión, pero as grandes citas comezan o sábado.

E para que saibamos como vén o tempo, que mellor que o exclusivo parte costeiro dos amigos de 4gotas.com:
O tempo ven revolto para o Entroido. Semella que mellorará a partir do martes. Antes falaremos de días grises e con chuvia e complicados de predecir o momento exacto de chuvia. Visitade o prognóstico da vosa localidade antes de facer algunha actividade ao aire libre porque pode haber cambios neste prognóstico.
O venres xa choverá desde primeira hora con vento forte do suroeste. Desaparecerá a chuvia a media tarde e volverá no mediodía do sábado (entre medias teremos algún chaparrón moi puntual). Choverá toda a tarde do sábado. Na madrugada os chuvascos serán intermitentes e febles e non contamos con chuvia no domingo. Volverían o luns ao mediodía, cesando o martes e mércores.
Non irá o frío destes días pasados e ollo que no mar a situación estará complicada todo o Entroido.

Sábado de festa

Serán moitas as citas do sábado de entroido, onde o gran Entroido de Fisterra terá a súa previa co desfile de comparsas. Pero comezamos o repaso polo Entroido de Corme, con sesión vermú e festa rachada.

A nós tócanos ir de xurado ao Entroido de Vimianzo, que cada ano medra.

Tamén será o día grande no Entroido de Muxía co Concurso de comparsas e disfraces e a paralela Ruta dos Pinchos.

Atentos estaremos ao Entroido carnotán, con grandes citas en Lariño, Lira e a cita sesentera do Pindo emais o entroido entroido de Corcubión.

Por Zas tamén será o baile e concurso

Un domingo de concursos e enterros

Xa o domingo de Entroido terá grandes citas, ao tempo que continúa a ruta dos pinchos muxiá. Será o día grande do Entroido de Carballo, do Entroido de Santa Comba, do Entroido de Ponteceso e do gran Entroido de Dumbría coas Cantareiras de Ardebullo de directores de orquestra.

Ademais, teremos o ollo posto no fantástico Enterro da Caietano do Entroido de Laxe e ao Concurso de comparsas de Muros.

O gran Martes de Entroido

Estaremos tamén de xurado no día D do entroido costeiro: o Concurso de Comparsas do Entroido de Fisterra.

Pero son máis concellos os que centran a actividade no martes, como o Entroido de Cabana, o Entroido de Zas

Tamén toca o Enterro da Sardiña de Carballo e a Festa da filloa e orella de Muxía.

Un mércores de Entroido

Algo soso queda o mércores, que só terá cita no Enterro do Facundo no Entroido de Muros. Unha desas que non se pode perder.

Sábado de Piñata

Quedan citas claves para a segunda fin de semana de entroido. O Sábado de Piñata terá lugar o mítico Vía Crucis de Bares da Mikaela por Buño, unha das grandes festas do entroido bergantiñán.

A nós tócanos ir de xurado ao Entroido de Cee, mentres teremos o ollo no Enterro do Polvo no Entroido de Fisterra.

Ademais, celébrase tamén o Entroido de Baíñas e o Enterro da Sardiña de Lariño.

Queda para o domingo 22 os grandes Enterros do Entroido do Malpica, como o encontro entre Farruco de Malpica e o Faustino de Malpica antes dos seus enterros, ademais dos desfiles dos Madamitos e Ghuadinero por Cerqueda.