Semella que, cal se fose unha vixe, o sendeirismo estase a convertir nalgo sacro na Costa da Morte. E só o refrendan as case 1000 persoas que esta fin de semana sacaron as botas de montaña e se puxeron a disfrutar, a pé, do noso territorio. E logo as administracións preocúpanse de máis por un crucero de 200 persoas que nin sequera van parar na zona…

Foron 3 citas co sendeirismo as que vivíu a fin de semana, pois ademais do Camiño dos Faros e da Andaina por Cee, o Obradoiro de Emprego Comarca de Soneira tamén fixo o seu roteiro polo Val de Vimianzo, e Senda Nova propuña a súa segunda etapa da Primavera en Ruta polo Son do Anllóns.

Unha marea de trasnos

Nada menos que 743 trasnos, e o Camiño dos Faros segue batindo marcas, percorreron a 4ª etapa que une Laxe e Arou. Asturianos, portugueses, galegos das 4 provincias, americanos, irlandeses, arxentinos, alemanes...

Xa foi unha previa completa, cun traskiconcerto en Camelle moi animado. E aló, contra as 9:00h, os trasnos partiron de Laxe cun día espectacular. Que fermosas esas estampas coas cadeas humanas polos sendeiros do litoral…

Andaina por Cee

O pasado sábado 12 de abril ás 10:15 horas saliron desde o lugar de Pontellas de Brens (Cee) os numerosos participantes (220 inscritos) na andaina que nesta ocasión organizou o Concello de Cee, dentro da 2ª Edición do programa “Andainas: Coñece a Costa da Morte”.
O bo tempo fixo posible que as vistas fosen espectaculares: a Ría, o Cabo Cee e o Cabo Fisterra, o lugar e a praia de Gures, Caneliñas (antiga baleeira que cesou a súa actividade no 1986), etc.
Hai que sinalar que non houbo abandono algún conseguindo que todos completasen os 13km de percorrido, e dende Servizo de Deportes Municipal queren agradecer publicamente o comportamento exemplar e cívico de todos e todas as participantes así como destacar dun xeito especial a labor indispensable que unha vez máis levaron a cabo os membros da Agrupación de Voluntarios de Protección Civil de Cee.

Roteiro por Vimianzo

Foron os alumnos-traballadores do Obradoiro de Emprego Terra de Soneira os que fixeron de guías neste Roteiro que organizaron polo Val de Vimianzo, para coñecer de preto os tesouros da capital soneirá, e así poder dixitalizalos.

Roteiro e plantación polo Anllóns

Máis completa, se cabe, foi a ruta de Senda Nova, Pois o sábado aproveitaron para repoboar o Anllóns con 25 novos exemplares de carballos e cereixeiras que sobraron do Día da Árbore, ao carón da casa do río Bergantiños. Un lugar de onde partiu a ruta dominical polo Son do Anllóns.

Novas relacionadas

• Sendeirismo con conciencia.
• Limpando praias e conciencias.
• Senda Nova segue o roteiro do sendeirismo co programa Primavera en Ruta.
• Nin a chuvia pode cuns trasnos que intentarán facer o Camiño dos Faros en 48 horas.
• As Andainas toman o relevo de Traski para vertebrar a pé a Costa da Morte.
• A divulgación 2.0 dos Camiños do Mar, finalista duns premios europeos sobre patrimonio.
• De Camiño dos Faros cos trasnos milenarios.
• Os trasnos fan Costa da Morte de marca en marca.
• O Camiño dos Faros estrea nova web.
• Traski envía unha carta de unión e eficiencia ao sector turístico da Costa da Morte.
• Os trasnos rompen marcas na terceira edición do Camiño dos Faros.
• Os trasnos crean a Asociación Camiño dos Faros.
• A Costa da Morte segue lonxe dos primeiros destinos de Galicia.
• A FITUR coñece unha ducia de Costas da Morte.
• Presentado o ente turístico que xestionará o xeodestino Costa da Morte.
• Costa da Morte, unha das zonas máis virxes de España.

O Camiño dos Faros por etapas

• 8ª etapa do Camiño dos Faros: Os trasnos remataron de unir a Costa da Morte polo Camiño dos Faros.
• 7ª etapa do Camiño dos Faros: O Camiño dos Faros non para.
• 6ª etapa do Camiño dos Faros: O Camiño dos Faros faise máis que real.
• 5ª etapa do Camiño dos Faros: A imaxinación vai a pé.
• 4ª etapa do Camiño dos Faros: O Camiño dos Faros xa non ten volta atrás.
• 3ª etapa do Camiño dos Faros: Os camiñantes vertebraron a Costa dende Ponteceso a Camariñas pasando polo Monte Pindo.
• 2ª etapa do Camiño dos Faros: Os camiñantes foron unha fin de semana máis os protagonistas.
• 1ª etapa do Camiño dos Faros: O Camiño dos Faros ábrese ao mundo.
• Percorrendo a pé, e con Traski, o Camiño dos Faros da Costa da Morte.

Fonte

• Redacción de QPC ([email protected]).

Fonte

• Redacción de QPC ([email protected]).