Arrinca a 27 edición da Mostra do Encaixe de Camariñas
20:00 12/04/17
Tras o acto inaugural tivo lugar a pasarela de Deputación da Coruña. Imaxe: Concello de Camariñas
Esta tarde quedou oficialmente inaugurada a XXVII Mostra do Encaixe de Camariñas que xa é máis que un punto de encontro para o mundo da artesanía. O pavillón da vila estará aberto dende mañá ata o domingo en horario de 11 a 21 horas.
A directora xeral de Comercio e Consumo, Sol Vázquez Abeal, destacou durante o acto inaugural o importante papel deste evento como dinamizador económico da zona e do sector artesán galego. A directora xeral, que asistiu coa xerente da Fundación Centro Galego da Artesanía e do Deseño, Elena Fabeiro, tamén puxo en valor que o encontro serve como escaparate da marca Artesanía de Galicia, xa que Camariñas é clave no papel que xoga como atractivo turístico e como vehículo para proxectar a imaxe galega no exterior.
Un momento do acto inaugural da Mostra do Encaixe
Tamén asistiron á inauguración o deputado provincial Bernardo Fernández - que acudiu en representación da Deputación da Coruña -, o alcalde camariñés Manuel Valeriano Alonso, e o presidente da FEMP e alcalde de Vigo, Abel Caballero.
Este ano, a Deputación destinou 120.000 euros para a celebración da Mostra, ademais de prestar apoio material a través da imprenta provincial. Bernardo Fernández destacou que esta colaboración se enmarca na “longa traxectoria de apoio ao evento dende a primeira edición”. “Para nós é unha gran satisfacción seguir contribuíndo ao crecemento desta Mostra que vimos nacer e medrar”, afirmou Fernández e engadiu que o evento contribúe á potenciación turística da comarca da Costa da Morte e a “promocionar os nosos produtos artesanais”.
Pasarela da Deputación
Trala intervención das autoridades, deu comezo a tradicional pasarela de moda con pezas elaboradas a partir de encaixe de Camariñas tanto por deseñadores noveis coma por firmas de recoñecido prestixio internacional. “A partir de agora, o desfile máis importante de Galicia levará o nome Pasarela Deputación da Coruña”, sinalou o alcalde de Camariñas, en agradecemento ao compromiso da institución provincial coa feira.
A pasarela Deputación da Coruña será o escaparate de diversas creacións elaboradas por 42 deseñadores, entre os que se atopan a xaponesa Noriko Hashizume e a firma madrileña Devota&Lomba.
Esta pasarela ten tamén unha dimensión cultural, posto que estará acompañada dunha actuación cada día. Hoxe, a cantante Rosa Cedrón e o músico Miguel Arthús foron os encargados de amenizar a mostra interpretando, entre outras pezas, a popular cantiga de Camariñas.
Actividades paralelas
Nesta ocasión a Mostra do Encaixe de Camariñas conta coa participación de dezasete encaixeiras internacionais procedentes da India, o Xapón, Arxentina, Bulgaria, Inglaterra, Estonia, Francia, Italia, Polonia, Portugal, República Checa, Rusia e Suíza; e 15 expositores de encaixe nacionais.
O programa de actividades inclúe diferentes desfiles coas creacións de 32 deseñadores noveis e a colaboración de firmas de moda de recoñecido prestixio. Ademais do encaixe, nesta Mostra podemos atopar outros oficios da artesanía galega grazas aos puntos de venda de artesáns do vidro ou as colareiras.
A maiores, a Fundación Centro Galego da Artesanía e do Deseño organiza un obradoiro de artesanía todos os días que dirixirá a artesá María José Martínez para achegar a artesanía aos nenos e nenas que visiten a Mostra.
[fbvideo link="pasarela-deputacion-camarinas" width="500" height="400" onlyvideo="1"]
Novas relacionadas
- Abril 2017: A mostra do Encaixe de Camariñas abre hoxe as súas portas cunha variedade de actividades paralelas
- Abril 2017: Deseñadores nacionais e internacionais converten a Camariñas na capital da moda
- Abril 2017: A pasarela da Deputación enmárcase como o evento central da Mostra do Encaixe de Camariñas
- Abril 2017: A firma galega Javier Barrio incorporase á Mostra do Encaixe de Camariñas
- Marzo 2017: Camariñas leva a súa Mostra do Encaixe ata Xixón
- Marzo 2017: Camariñas promociona en Vigo a 27 edición da mostra do Encaixe
- Marzo 2017: Quimonos xaponeses de encaixe para a Mostra 2017
- Marzo 2017: O cartel da XXVII Mostra do Encaixe devólvenos á Camariñas de 1912.
- Decembro 2016: 28 coleccións no novo Concurso de Deseñadores Noveis do Encaixe de Camariñas.
- Palilleiras de Camariñas participan na mostra internacional do encaixe de Peniche
- De Camariñas a Los Ángeles pasando por Vigo
- Mostra 2016: A Mostra do Encaixe, o Faro que alumea a comarca
- Mostra 2016: A Mostra do Encaixe abre as súas portas
- En marcha a Mostra do Encaixe, o motor económico da comarca
- Rosa Mouzo: “As mulleres de Camariñas levamos o encaixe na pel”.
- O encaixe de Camariñas chega ao Parlamento de Galicia
- Atopan a que podería ser a peza de encaixe máis antiga que se coñece na Costa
- Mostra 2015: A Mostra do Encaixe bate marcas con máis de 23.000 visitantes
- Mostra 2015: Comezo reivindicativo dos 25 anos de Mostra de Encaixe.
- Mostra 2015: A moda, a gran protagonista dos 25 anos da Mostra do Encaixe.
- Teddy Vilán, a primeira mascota da Mostra do Encaixe.
- O Encaixe de Camariñas, o que máis triunfa na FITUR.
- Un corazón para celebrar os 25 anos da Mostra do Encaixe.
- Mostra 2014: A Mostra do Encaixe segue crecendo tras recibir a máis de 20.000 persoas.
- Mostra 2013: O Encaixe continúa sumerxíndose no século XXI.
- Mostra 2012: 17.000 visitantes fan do Encaixe un produto de moda a pesar dos recortes.
- Mostra 2011: Camariñas pon a tradición de moda.
- A Mostra de Encaixe, unha de Festas de Interese Turístico na Costa da Morte.
- Redacción QPC ([email protected])