Un novo morto no mar de Camariñas
08:15 14/11/11
Non descansa o mar e esta noite do domingo 13 de novembro de 2011, cobrouse unha nova vida. O rapaz camariñán Germán Pasantes, de 23 anos, caía ao mar da gamela do seu pai, e o seu corpo era atopado pouco despois por varios veciños.
Ao parecer un golpe de mar enchiu de auga a gamela, e mentres ambos achicaban a auga, un novo toque fixo que o rapaz caese ao mar. O pai puido voltar a terra e dar a alarma, pero xa era tarde cando o corpo foi atopado un par de horas despois.
Quedan así anuladas todas as actividades municipais e electorais en Camariñas para estes dous días e o Concello ponse de luto.
Outros sucesos no mar
- 06-10-11: Desaparece un mariñeiro de Malpica nas augas da Coruña.
- 01-09-11: Atopado o corpo sen vida do turista neozelandés desaparecido en Traba.
- 20-07-11: Morre un home en Corme logo de emborcar a súa embarcación.
- 12-07-11: Atopado o corpo sen vida dun mergullador en Muros.
- 27-05-11: O mar da Coruña cóbrase dúas vidas malpicás.
- 22-04-11: Desaparece un home do Ézaro no mar.
- 25-01-11: Salvamento Marítimo acode ao rescate dun veleiro a 30 millas da costa camariñá.
- 21-01-11: Un pescador falece en Fisterra cando ía ao mar.
- 20-01-11: Rescatan a unha mariscadora que caíu ao mar en Caldebarcos.
- 27-12-10: Falece un pescador nos cantís de Laxe.
- As imprudencias no mar páganse.
