17 de maio, Día das letras Galegas, e a Costa da Morte e todo o país quere darlle Vitaminas ao galego en 17 linguas e dende 17 países, 17 concellos e 17 colexios. Esa é a idea dos xa 31 medios de comunicación que traballamos na nosa lingua, e que formamos parte da campaña Vitaminas para o galego.
Así, para este día senlleiro, #17Vitaminas pretende recoller ducias de vídeos recollendo a lectura do "manifesto vitamínico".

Así e todo, o día vai máis alá das vitaminas. Os Concellos e entidades sociais da bisbarra artellaron completos programas culturais, que podemos visitar un a un, nas novas relacionadas de abaixo.

Todo, no marco da homenaxe a Valentín Paz Andrade, este polifacético avogado, xornalista, poeta, viaxeiro... sempre vencellado á política.

17 Vitaminas na Costa da Morte

Non somos alleos na zona, pois son varios os concellos que inclúen a campaña nos seus programas. De feito, os Concellos de Corcubión, Vimianzo, Carnota, Zas e Carballo vanlle regalar estes lapis máxicos para escribir en galego aos seus alumnos.
Temos que destacar a implicación do video wall da campaña.
Polo de pronto, mañá teremos xa aos pequenos de Carnota e mais ao seu alcalde, ao alcalde vimiancés e algunha sorpresa máis, deixámosvos coas Vitaminas que nos dan Félix Porto, Alcalde de Muxía, e mais José Manuel Louro Pais, concelleiro de Cultura de Corcubión. Pero antes, aquí vai o do IES Pedra da Aguia, un auténtico luxo.

Especial poético

Outro que aporta as súas vitaminas en forma de poesía é o bo de Manolín, que trae para esta noite de mércores un especial Letras Galegas con poemas de Rosalía de Castro, Celso Emilio Ferreiro, López Abente e Xoán Fernández Abella. O seu programa Realidade e Soños soa na radiONeria cada mércores ás 23.00h, en directo a través do blog, e aquí vos deixamos o seu manifesto persoal como adianto:

Novas relacionadas

• #17vitaminas para o galego, e tamén na Costa.
• Un mar de verbas e libros en Cee polas Letras Galegas.
• Os pequenos vimianceses xa riman a golpe de regueifa.

Programas das Letras Galegas

• Festiletras: Programa Festiletras 2012: Kepa Junquera e As Cantareiras entre os escollidos.
• Camariñas: Camariñas libera libros e risas polas Letras Galegas.
• Carballo: Carballo fai entrega das súas Vitaminas para o galego.
• Carnota: Carnota dá Vitaminas ao galego cun gran Mes das Letras.
• Cee: Cee artella un programa das Letras Galegas con teatro, pintura, música e moito máis.
• Corcubión: Corcubión tamén dá Vitaminas ao Galego polas Letras Galegas.
• Dumbría: Dumbría celebra as Letras con música.
• Fisterra: Hiphop, poesía e humor para o mes das Letras Galegas de Fisterra.
• Malpica: Cerqueda e Malpica celebran O tempo das Letras.
• Muxía: Abente será homenaxeado nun completo programa das Letras muxián.
• Vimianzo: Regueifa, música, teatro e vídeos: as vitaminas para o galego do Concello de Vimianzo.
• Zas: Un certame de marcapáxinas e moita lectura para as Letras Galegas de Zas.

Fonte

• Redacción de QPC ([email protected]).