Sábado. 03.12.2022
El tiempo

Carballo dedica a nova edición do Novembro con Música a Eduardo Coma

programa Novembro con Musica Carballo 2022
Carballo dedica a nova edición do Novembro con Música a Eduardo Coma
Pesar en Carballo e no panorama galego musical polo pasamento, onte, do violinista Eduardo Coma. Profesor no Conservatorio Profesional de Música do Concello de Carballo e membro de bandas como Luar na Lubre, a súa morte deixa unha amarga tristura en toda a comarca.

De aí que o Concello de Carballo, que xusto onte pola mañá presentaba o programa “Novembro con Música”, queira dedicarlle esta edición.

O programa arrinca este venres co Live in Cances, pero ata 10 de decembro o Pazo da Cultura encherase de actividades musiqueiras para todas as idades e gustos.

Todas as citas deste programa organizado conxuntamente polo Concello de Carballo, e agrupacións vinculadas ao Concello como a Banda de Música e a Big Band do Conservatorio, e a colaboración na programación de Novembro con Música da Asociación Cultural San Campio de Cances, do Casino 1889 e Instituto de Estudos Bergantiñáns, coa colaboración da Deputación da Coruña, son de balde.

Programa

MÚSICA ROCK

  • Sábado 12 novembro | 22.30 h | LA FÁBRICA DE ESPEJOS.
  • Sábado 26 novembro | 22.30 h | DOCTOR SNOB (no CASINO 1889).
 

MÚSICA FOLK

  • Venres 18 novembro | 21.00h | FAIA, na Casa da Cultura.
 

MÚSICA TRADICIONAL

  • Sábado 19 novembro | 21.00 h | SONS DE AQUÍ. No Pazo da Cultura, coa participación de grupos de asociacións de Carballo, coa vontade de gozar de pezas tradicionais da man de A. C. Nemeth, A. C. e X. Arume de Verdillo, Escola do Alprende de Oza, A. C. S. Campio de Cances e Coro Aires de Bergantiños.
 

MÚSICA CORAL

  • Sábado 26 novembro | 20.00 h | FESTIVAL SANTA CECILIA. No Pazo da Cultura, coas Coral de Bergantiños, Coral Polifónica de Mera e a Coral Polifónica Estradense.

CONSERVATORIO PROFESIONAL DE MÚSICA

  • Dous concertos, o e o da Big Band do Conservatorio o venres 25 de novembro ás 20.00h e a Banda Municipal do Conservatorio de Carballo, o venres 2 de decembro ás 20.00 h.
 

MÚSICA DE AUTOR

  • Venres 25 novembro | 21.00 h | ANTÍA MUÍÑO, na Biblioteca Rego da Balsa.
 

Outras actividades

 
  • Venres 11 | 19.30 h I PRESENTACIÓN LIBRO CANCIONEIRO DE BUÑO DE DOLORES CANCELA PÉREZ, coa participación de Xosé Manuel Varela e Antonio Fernández. Na Biblioteca Rego da Balsa.
  • Venres 25 | 20.30 h I PRESENTACIÓN LIBRO AUSENTES DE AFONSO EIRÉ. No Casino 1889 Entrada libre ata completar aforo.
 
  • Sábado 10 | 20.30h I AULA DE TEATRO MUNICIPAL. PEQUENAS ESCENAS. No Pazo da Cultura.
 

comentarios