O humor activista toma o Interplay

O humor activista toma o Interplay

12:53 11/09/21

Continúa desenvolvéndose ao longo da fin de semana o Festival de Contidos dixitais máis importante da península. Tralas dúas xornadas inaugurais, o Carballo Interplay afronta un sábado de activismo e humor.

Onte venres, foi un día completo, con protagonismo para creadores e plataformas, que compartiron experiencias e sabedorías na prolífica #ZonaPro.

Pola tarde foi tempo de proxeccións das webseries, as grandes protagonistas do festival:

Sábado de Activismo e humor

O sábado chega unha xornada adicada aos proxectos que empregan a rede como unha ferramenta para mellorar o mundo e a aquelas propostas que se apoian no humor para abordar asuntos como as relacións de parella, a saúde mental, a loita contra o machismo ou polos dereitos do colectivo LGTBI. Pol Andiñach (Vilassar de Mar, 1991), coordinador do colectivo de xornalistas Cuellilargo e autor do libro Todo el mundo puede ser antifa. Manual práctico para destruir el fascismo (2021); Laura Tabarés (León, 1991), membro do colectivo de produción cultural especializado en virtualidade e programas educativos con perspectiva feminista Ontologías Feministas; e parte da colectividade millennial Proyecto UNA, que investigan sobre as guerras culturais de poder nos medios, Internet e a realidade analóxica.

E, sen perder de vista o papel do humor no activismo e na disidencia, o festival conversará tamén de Humor, precariedade xeracional e ilustración coa viñetista, cómica e creativa Anastasia Bengoechea (Barcelona, 1982), Monstruo Espagueti; coa ilustradora e humorista Violeta Navas Ortega (Granada, 1994), La Prados; e coa viñetista Roberta Vázquez (Santiago de Compostela,1989), autora do cómico ¡Socorro! coa editorial Apa Apa.

Pecharán a mañá de sábado Esnórquel e Perra de Satán co seu podcast ¿Puedo hablar! onde cada semana analizan, co seu particular humor e sen censura, cuestións como a saúde mental, os seus corpos, a política, a cultura, o ligoteo, o sexo, a depresión... e moita televisión dos noventa. Esnórquel será, tamén, o encargado de ofrecer ás 17h o seu Código Fonte Audiovisual, un percorrido por vídeos de youtube de alcance queer que marcaron a súa adolescencia na aldea e na universidade, de xeito paralelo ao seu crecemento como "maricón pintao”.

A tradicional gala de entrega de premios, ás 21h, pechará a 8ª edición do Festival de Contidos Dixitais Carballo Interplay. Será un concerto escénico, unha experiencia de resistencia na que mesturan o reguetón, as proxeccións, o mundo dos debuxos animados e algúns premios para as mellores series da Sección Oficial, entre tema e tema.

O acceso ás actividades do festival é gratuíto, previa retirada de entrada a través da web, e tamén poden verse en streaming a través de Youtube, Twitch ou Facebook.