Mércores. 30.11.2022
El tiempo

Os residuos orgánicos dos colectores marróns volve a Carballo en forma de compost

xardineiro municial Carballo
As brigadas municipais empregan o compost nos xardíns
Os residuos orgánicos dos colectores marróns volve a Carballo en forma de compost

Pecha o círculo da compostaxe urbana esta semana o Concello de Carballo. Os residuos da 5ª fracción que foron depositando as familias nos contedores marróns durante o primeiro semestre, estanse empregando nos xardíns municipais tras ser convertidos en compost na planta de compostaxe de Sogama.

Foron 193.060 quilos de residuos orgánicos os que as 1.400 familias e as 125 empresas que participan no programa “Ti tes a chave” botaron nos contedores marróns durante os primeiros 7 meses de ano.

Nova campaña

O stand do programa “Ti tes a chave” sae de novo á rúa para seguir fomentando entre a cidadanía a xestión sostible dos bío-residuos. Os días 24 e 27, coincidindo coas últimas feiras deste mes, terán un posto informativo na Praza do Concello con horario de apertura será de 10.30 a 13.30.
Ademais se queres participar podes achegarte de luns a venres, de 10:00 a 14:00 horas, ata o local de Carballo Limpo, situado nas galerías da rúa Desiderio Varela, número 34. Entregaranche un caldeiro de 10 litros de capacidade para facilitarche a separación dos restos orgánicos no teu fogar, tres atados de bolsas compostables que poderás repoñer cando se che acaben, un tríptico informativo e, por suposto, a chave.

ovas relacionadas

comentarios