Tralos arrasadores incendios do verán pasado, e malia que a política de reforestación por parte das adminstracións foi nula, parece que as intentonas de recuperar a flora autóctona da sociedade civil e do Monte Pindo Parque Natural están a dar os seus froitos. Así nolo constantan dende a entidade e xa vemos como os carballos ananos e o lirio do monte medra con vigor por moitas partes do olimpo celta.

Se ben a asociación recoñce que o macizo é un deserto arbóreo, apunta que si hai unha zona, nas inmediacións de San Cibrán, as que estas e outras especies estanse a recuperar. Curioso é que esta zona foi a elixina pola AMPPN para evar a cabo a súa reforestación con esquexen do CSIC pero sen o apoio da Xunta.
”A pesar de que a intervención tivera lugar en plena seca, boa parte da plantación xurdida do xeneroso esforzo do voluntariado saiu adiante con formidable vigor, e por iso en San Cibrán os carballos, castiñeiros e ameneiros sementados por milleiros abrollan por doquier, e o que eran delicados plantóns cun par de follas xa son robustos proxectos de árbores de entre 10 e 15 centímetros”, contan.

O carballo anano loita pola supervivencia

O que medra de xeito absolutamente natural é o carballo anano (Quercus lusitanica Lam), unha das especies autóctonas de máis valor ecolóxico do monte costeiro, que aproveita o seu carácter pirófito para recolonizar por milleiros o terreo que o lume lle arrebatou. Pelexa co eucalipto, que medra moito máis rápido e xa chegan ao metro de altura, e co toxo, outra das prantas máis fortes de Galicia.
”Curiosamente, o carballo anano estase asociando tamén aos castiñeiros deixados polos voluntarios”, malia non coñecer aínda o por que desta prolífica simbiose.

Reaparece o lirio de monte por primeira vez desde o lume

O lirio de monte (Iris boissieri), esa fermosísima flor en risco crítico de extinción a nivel mundial que atoparan no Monte Pindo só semanas antes do lume despois de anos sen novas dela, volveu ser atopada esta fin de semana por outro amante do Monte Pindo, Roi Carballal, que apurou a comunicarlle a boa nova á MPPN, colgada tamén na páxina biodiversidade.eu.

Novas relacionadas

• O VI Encontro Monte Pindo coñecerá a Moa baixo as estrelas.
• O Monte Pindo ten máis hábitats prioritarios a protexer que calquera parque natural galego.
• Árbores do CSIC para repoboar o Monte Pindo ao tempo que os escolares acoden ao berro SOS.
• 25-10-13: As temidas escorrentías arrastran ríos de cinsa polo Monte Pindo abaixo.
• 21-10-2013 O Monte Pindo pide Socorro!.
• Apadriña unha árbore no Monte Pindo.
• 21-10-2013: As cinzas do incendio do Monte Pindo xa contaminan o mar.
• 10-10-13: O Monte Pindo sae do Parlamento como entrou.
• 09-10-13: Pallas ao monte.
• 07-10-13: Os berros do Monte Pindo contra os lumes chegan a Compostela.
• 29-09-13: Medio millar de bravos berran en verde por un Monte Pindo Parque Natural.

Fonte

• Redacción de QPC ([email protected]).