Aí vedes, a todos estes pequenos carnotáns de apenas 3 anos que non perden ollo do que lles conta o bo de Miro Villar no encontro literario que artellou a Axencia de Lectura Municipal de Carnota, dentro do seu programa "Un verán de conto!"

Durante a sesión, o escritor ceense narrou tres contos rimados da súa autoría ("Carlota e a gaivota patiamarela", "Rebelión na charca" e "A cobiza do verme Noel") con proxeccións das súas correspondentes ilustracións.

Esta actividade conta co financiamento da Consellería de Cultura, Educación e Ordenación Universitaria, ao abeiro do programa Ler conta moito.

Novas relacionadas

• Miro Villar espallou os seus haikus do Finisterrae Bretón pola costa ártabra.
• Miro Villar rebélase na charca da poesía para nenos.
• Un verán de conto e de reforzo en Carnota.
• Breogán dase cita cun festón de exaltación gastronómica do multiproduto galego.

Fonte

• Redacción de QPC ([email protected]).