Venres. 30.09.2022
El tiempo

Exemplos prácticos do ben que funciona Salvacadelos

Exemplos prácticos do ben que funciona Salvacadelos
2 gatos e 2 cans atoparon a familia a traves de Salvacadelos

Esta semana puidemos comprobar o ben que funciona a Comunidade que temos creada na rede a través da iniciativa solidaria Salvacadelos. As Veterinarias da Clínica Veterinaria Argos de Cee, sempre atentas a cada movemento subían ao Facebook de Salvacadelos o pasado mércores a imaxe destes dous gatiños e destes dous canciños, que aparecían perdidos por Cee, e a resposta non puido ser mellor.

Ducias de siareiros compartían as fotos, e en apenas unhas horas, os donos daban sinais de vida e pasaban a buscalo no mesmo día.
Os cadeliños aparecían perdidos pola Lagarteira, o gatito negro tamén por Cee e o branco e laranxa preto da gasoliñeira. Espectacular a resposta para este gatiño branco, pois de contado, Noelia Quintáns o recoñecía a través do Facebook e pasaba a buscalo! Ben por Niko, que xa está na casa!!

Un bo exemplo de como unha comunidade creada na rede serve para moitísimo. Xa van centos de familias creadas a través do Facebook e mais do blog, e outras tantas familias que atoparon aos seus perdidos a través da internet.

Gracias a todos!

Novas relacionadas

Máis información de Salvacadelos

Se queren adoptar algún destes animais que necesitan un fogar, póñanse en contacto coa Clínica Veterinaria Argos de Cee:

Fonte

comentarios