Venres. 29.03.2024
El tiempo

O Parlamento Galego afondou, sen solucións, sobre a problemática de XEAL

Daniel Perez Martin Seco e Miguel Tellado sobre XEAL no Parlamento Galego
Daniel Pérez, Martín Seco e Miguel Tellado falando sobre XEAL no Parlamento Galego
O Parlamento Galego afondou, sen solucións, sobre a problemática de XEAL

Este mércores 7 de abril, o Parlamento Galego afondou a problemática que vive a fábrica de XEAL. O Deputado carballés do BNG Daniel Pérez sacou o asunto na Comisión 6ª, Industria, Enerxía, Comercio e Turismo. Despois de debullar a grave situación laboral nas plantas de Cee e Dumbría, o BNG propuxo no Parlamento unha Proposición non de Lei para intentar aprobar paquete de medidas que garantan a viabilidade de Xeal, esixindo á Xunta que se cumpra o fallo do TSXG que establece a vinculación esencial das actividades enerxéticas e das ferroaliaxes en Cee e Dumbría.

A realidade a día de hoxe é que a fábrica segue estar a menos dun 20% da súa capacidade, e moitos dos traballadores reincorporados facendo tarefas de limpeza e mantemento, pois seguen activos os mesmos fornos que durante o tempo no que estivo activo o ERTE. Unha situación que, para o BNG demostra “o absoluto desleixo da dirección por recuperar as capacidades produtivas de ambas fábricas”, algo que, segundo subliñou, ten a súa explicación en que “o único que lles interesa aos actuais propietarios son os pingües beneficios que lles reporta a explotación das centrais hidroeléctricas”.

Deste xeito, propuxo ao executivo “unha postura clara de defensa da actividade e dos postos de traballo” e que esixa da empresa o respecto das cláusulas de vinculación”, pero a iniciativa nacionalista non prosperou polo veto do PP.

A iniciativa foi apoiada polo PSOE, como explicou o deputado Martín Seco, que lamentou “a falta de confianza que ofrecen os actuais propietarios”. Seco tamén repasou a situación da empresa (e como se está desprendendo das empresas auxiliares da comarca), e pediu á Xunta que investigue para saber se XEAL “é libre ou segue a ser unha maquila de Ferroglobe”. Seco lembrou que o propio Feijoo pediu en 2019 un Plan de Viabilidade, e tras dous anos de “estudo”, pediu que “a Xunta de Galicia non pode seguir mirando para outro lado, e debe esixir o Plan de Viabilidade para garantir os postos de traballo”.

O PP acusa ao goberno central

Non se puxo do lado dos traballadores o PP, e foi Miguel Tellado o que botou os balóns enriba do goberno central. Tellado quixo lembrar que a Xunta “impediu a segregación de actividades” e que “levamos anos defendendo os intereses dos traballadores”.

Tellado lembrou que “o seu verdadeiro problema é a falta dun prezo eléctrico competitivo”. O viceportavoz popular subliñou “o compromiso do Goberno galego co cumprimento da lexislación, impedindo a segregación da actividade das ferroaliaxes e da produción de enerxía a través das centrais hidráulicas”.

O PP explicou que “o plan de viabilidade de XEAL non é unha obriga establecida da concesión e a Xunta non tivo nada que ver nos acordos comerciais entre o Grupo Ferroatlántica-FerroGlobe e TPG-Ithaka”.

Tellado pediu a votación separada para votar a favor só os dous primeiros puntos da proposición.

NOVAS DO CONFLITO #FERROATLÁNTICA

Comentarios