Continúa o Comité de XEAL en plena onda de mobilizacións. Despois da concentración do pasado mércores ás portas da fábrica, a loita continúa este mércores 16 de febreiro, ás 17:30h diante da Casa do Concello de Cee; e o vindeiro mércores 23 cunha manifestación diante do complexo administrativo da Xunta en San Caetano, de 11:00h a 12:00h.

Unhas mobilizacións que cada vez suman máis e máis motivos. Ao eterno medo de que a empresa vaia realizando o desmantelamento progresivo da fábrica para quedar unicamente coa concesión hidroeléctrica, e a falta dun plan de viabilidade e de posta en marcha de todos os fornos, súmanse a loita polo convenio colectivo (roto pola empresa dende o pasado decembro) e a represión sindical.

Os sindicatos USO, CIG e CGT veñen denunciando a represión sindical que sofre o compañeiro despedido por testificar a favor da compañeira que sufríu acoso no traballo.

Ademais das concentacións, o Comité vai solicitar reunións cos grupos parlamentares e reiterar a petición de reunión co Conselleiro de Economía Francisco Conde, pendende dende hai meses, a pesar de que esta semana no Parlamento anunciaba que a Xunta non ía mediar no conflito. O Comité vaille esixir que esixa a Xeal o cumplimento das cláusulas da concesión e que proceda á reversión dos dereitos de explotación das centrais hidroeléctricas.

Novas relacionadas

• 11-02-2022: A Xunta non mediará no conflito XEAL.
• Febreiro 22: Os traballadores de XEAL volveron ás mobilizacións, cada vez con máis motivos.
• Xaneiro 21: A CGT critica o despido dun traballador de XEAL só por defender no xuízo á compañeira vítima de abuso sexual.
• Xaneiro 22: O Comité de XEAL pide que a Dirección tome medidas “contundentes” contra o responsable condenado por acoso sexual.
• Decembro 21: A CIG levará a agresión ao presidente do Comité de XEAL aos Xulgados.
• Decembro 21: XEAL rompe as negociacións e deixa sen convenio colectivo aos seus traballadores.
• Decembro 21: A CIG denuncia unha agresión contra o presidente do Comité de XEAL.
• Novembro 21: O Comité de XEAL apoia nos Xulgados á traballadora que sufríu acoso dun superior.
• Xullo 21: O Comité de Xeal denuncia un presunto caso de acoso sexual dun alto cargo próximo á dirección.