Xa estará a partir desta semana en todas as librarías do país, “Nación Mar”. O álbum ilustrado por un mariñeiro patrón de pesca da Galicia, no que as baleas son as auténticas protagonistas. A Editorial Bululú recolle “un feixe infinito de horas de traballo en papel de acuarela de 350 gms e pinturas Winsor and Newton” realizado polo poeta-mariñeiro-pintor Xosé Iglesias. “Un traballo feito dende a verdade, dende o cerne dun bote de madeira construído nun pequeno estaleiro no Ézaro, ate eses colosos que encheron de nobreza e dignidade os portos da Costa da Morte, construídos nos míticos estaleiros da telleira”, describe.

”Tamén dende o mar, agora libre, das baleas ate esa factoría de Caneliñas que tinguía de sangue e graxa o océano onde escomencei de pequeno a traballar”.

Iglesias, espera con ansia a primeira presentación, que sen dúbida, será en Corcubión, detrás da Casa da Cultura, nunha leira onde está o primeiro bote onde Xosé comezou a andar de mariñeiro co seu tío.

Mentres, quere agradecer por facer realidade “este proxecto de océano, navíos e cetáceos” o a Lucía e a Pablo, ao autor do prólogo, “o meu mestre literario Xurxo Souto”, así como “a todos os patróns de pesca e amigos que me cederon as fotos para inmortalizar no papel a todos estes deuses-barco.

Ademais, a editorial pensa levar o libro ao outro lado do océano exa ten preparada a tradución ao castelán.

A capa do libro recolle o seu querido Faro Fisterra, e o baleeiro Ibsa reconciliándose cos cetáceos como un novo Chimán.

Novas relacionadas

• Xosé Iglesias atraca os seus barcos en Stoupa.
• 2017, Miro Villar: "A relixión do mar", de Xosé Iglesias Lamela.
• 2016: O poeta do mar, Xosé Iglesias, gaña un novo premio e publicará o seu segundo poemario.
• 2015: Xosé Iglesias fixo bruar a bughina por Viki Rivadulla.
• 2013: Un berro pola pesca artesanal.

Máis Cantigas de Leviatán

• Cantigas de Leviatán: Recital poético reivindicativo por Caneliñas.
• Cantiga de Leviatán: Baleeiros a bordo.
• Chisco presenta o seu último libro na Illa Lobeira
• Cantigas de Leviatán: Xabier Díaz no “paraíso”.
• Cantigas de Leviatán: O xograr Suso Martínez na Illa Lobeira.
• Cantigas de Leviatán: o fotoperiodista Xurxo Lobato na Illa Lobeira.
• Cantigas de Leviatán: Belem Tajes, unha voz de Arou na Illa Lobeira
• Cantiga de Leviatán: Xurxo Souto nas illas Lobeiras
• Cantigas de Leviatán: Anxo Angueira leva a súa dorna á Lobeira
• Cantigas de Leviatán: Rodrigo Costoya presenta nas Lobeiras a súa novela sobre a verdadeira historia de Colón.
• Cantigas de Leviatán: Juan o Pecas de Fisterra