Xoves. 19.09.2019
El tiempo

O pobo de Corcubión e Muxía recuperaron os seus Enterros

O pobo de Corcubión e Muxía recuperaron os seus Enterros
Enterro do Percebe Corrupto de Muxia-Foto-Viki Rivadulla

Foron os veciños os que tiraron do carro para recuperar as vellas tradicións que pechan o entroido na Costa da Morte. Xa estivemos por Buño e a peituda Mikaela e por Fisterra co recuperado Polbo. Ademais, por Lariño os veciños da Insua, e por Corme os da Asociación de Veciños Eduardo Pondal. Foron en Muxía tamén os veciños os que sacaron o Percebe Corrupto á rúa, nunha auténtica Queima, así como por Corcubión foron as xentes con vontade as que recuperaron o Enterro da Sardiña.

O percebe corrupto de Muxía

Comitiva funebre no Enterro do Percebe Corrupto de Muxia-Foto-Viki Rivadulla Enterro do Percebe Corrupto de Muxia-Foto-Viki Rivadulla

Terceiro ano que os veciños de Muxía recuperan o enterro do Percebe. Este ano, perfectamente ataviado coa súa tarxeta black e a bolsita de publicidade do HSBC, o banco suízo tan implicado en casos de corrupción. Foron uns 300 chocolates repartidos, polo que se pode dicir que houbo moita xente, como todo funeral que se prece na zona, e demostrando que a cita se vai consolidando ano a ano.

A comitiva fúnebre estivo do máis simpática, presidida polo Papa, a concelleira Mónica Vilela, que está na escola de teatro municipal e fixo unha parodia dos mandamentos anti-corrupción moi divertida. Acompañábana un nutrido, e tristón grupo de curas, monxas e viuvas, xente da vila e parte das pandeireteiras, as Abaladeiras de Muxía, que amenizaron logo a choclatada na carpa.

Levando ao percebe corrupto, un grupo de 4 mafiosos... Toda unha parodia sobre tarxetas black, paraisos fiscais, Blesas, Bárcenas e peixes varios... A xente pasonuno moi ben, e o percebe fumou o seu último puro mentres se queimaba.

4 mafioso levando ao Percebe Corrupto de Muxia-Foto-Viki Rivadulla

A Sardiña tomou o vermú en Corcubión

Un grupo de veciños decidiron probar a facer, en rexime de "autoconvocatoria espontánea" O Enterro da Sardiña, ademais á hora do vermú. Boa hora para non pisar o entroido ceense, e a pesar das trabas burocráticas (non obtiveron o permiso municipal para queimar o pequeno cadaleito), a comitiva paseouse por toda a vila, pasando polos rueiros e tabernas chorando, cantando e tamén rindo.

Pararon na plazoleta, no Campo do Rollo, pola farmacia, Recheo... cantando as coplas... bendecindo a todo quisque... e sobre todo, pasándoo ben. Vese que a xente de Corcubión ten fame de Entruido.

Enterro da Sardina en Corcubion Os parrocos do Enterro da Sardina de Corcubion Comitiva funebre no Enterro da Sardina de Corcubion

Entroido 2015

Fonte

Comentarios