A dobre captación nos ríos Anllóns e Bardoso garanten o abastecemento de auga en Carballo

07:19 04/09/17

A Seca no río Anllóns é patente

Alertados está Galicia enteira pola seca. Unha seca que xa está deixando algunha parroquia sen auga, que, de feito, a finais de mes podería entrar en situación de alerta se non cambia a situación. Por iso, son varios os Concellos da Costa da Morte que están tomando medidas en prol da concienciación.

Desta volta, é o goberno municipal Concello de Carballo o que insiste no seu chamamento á poboación para que faga un consumo responsable. Pero ao mesmo tempo, recoñece que non existen problemas de abastecemento grazas á dobre captación nos ríos Anllóns e Bardoso está garantido o servizo.

En todo caso, aínda que a traída municipal non está afectada, si que está habendo problemas con algunhas traídas veciñais. Neste sentido, desde o Concello de Carballo pídese aos veciños e veciñas que comuniquen as dificultades de abastecemento que poidan producirse e que soliciten, se é preciso, os servizos de Protección Civil para encher os depósitos.

A dobra captación débese ao Proxecto Anllóns-Bardoso, no que se investiron máis de catro millóns de euros, e a través se instalaron dúas estacións de aforo de caudal augas arriba das dúas captacións existentes. Deste xeito é posible saber canta auga levan o Anllóns e Bardoso e canta se pode captar de cada un deles en cada momento.

Paralelamente, o Concello realiza a súa propia campaña de diminución do consumo de auga. Por unha banda, aplicando medidas de aforro como o peche das fontes que utilizan auga da traída ou reducindo os baldeos ao mínimo.