Novas notas de prensa dos grupos da oposición do Concello de Coristanco. Un Concello que ademais de estar entre os que máis tarde paga aos seus proveedores de toda Galicia, conta con numerosas interrogantes na dirección.
Hoxe, TeGa avisa sobre un posible caseo de fraude na compra de gasóleo, mentres que o BNG alerta que a débeda municipal alcanza os 3 millóns de euros.

Posible fraude municipal na compra de gasóleo

Tega alerta dun presunto fraude do concello de Coristanco na compra de gasóleo. Varias facturas confirman que o Concello de Coristanco pagou o gasóleo de calefacción a case 4 veces o seu prezo de mercado, a pesar de estar informado polos servizos de intervención. I é que o prezo do gasóleo que figura nesas facturas é de 3 € /l, cifra que case cuadriplica o prezo de mercado naquela data (en torno a 0,9 € /l). “Pagamos en Coristanco o gasóleo máis caro do Mundo?” pregúntase Amancio Lavandeira, que entende que o caso “podería significar un posible delito de malversación de fondos públicos”.

Tega saca esta conclusión dunhas facturas de 2012, polo que preguntará na seguinte moción a canto se segue pagando o litro de gasóleo dende o Concello.

O BNG fala da débeda

O BNG descoñece cal é a débeda real do Concello de Coristanco, como toda a veciñanza, pero estima que ronda os 3 millóns de euros. Por iso o BNG pedirá unha auditoría como primeira medida urxente en caso de acceder ao goberno o próximo 24 de maio, “como única forma de destapar as mentiras do Partido Popular coas contas municipais”.

Mentres, o alcalde de Coristanco anunciaba onte aos medios de comunicación a próxima convocatoria dun pleno para a aprobación dos orzamentos municipais. Un Pensado Plágaro, que sinala que a débeda está lonxe da cifra dos tres millóns de euros, despois da subida de impostos case ata multiplicalos por dous (por exemplo, subas do 75% no IBI); e a nova petición dun préstamo á Deputación ata 2027.

Novas relacionadas

• A oposición afía as listas en Coristanco.
• A man culpable do alcalde de Coristanco.
• Piden que se anule a inhabilitación á Secretaria Municipal de Coristanco.
• A oposición ve unha man negra no intento de inhabilitación da secretaria municipal de Coristanco.
• A APLU abre expediente por unhas naves en Coristanco tras un posible trato de favor da alcaldía.
• 22-09-14: TeGa persóase no Xulgado con máis argumentos contra os imputados de Coristanco.
• O BNG de Coristanco denuncia vertedoiros incontrolados e novas sospeitas de prevaricación.

Máis novas

• O BNG escolle as súas cartas para as eleccións en Cee e Coristanco.
• As parrilladas do alcalde de Coristanco.
• Fotodesfeita: Soneca plenaria en Coristanco.
• De subvencións perdidas e mesas de contratacións envelenadas por Coristanco.
• Outro edificio municipal, sen uso.

Fonte

• Notas de prensa do BNG e de TEGA de Coristanco.