Continuamos recollendo datos poboacións da Costa da Morte a través do Instituto Galego de Estatística. E cada vez que o facemos levamos as mans á cabeza, porque os datos son realmente alarmantes. O envellecemento segue a ser unha das grandes preocupacions. Xa vimos que en 10 anos, haberá 213 maiores de 65 anos por cada menor de 20, pero tamén a emigración pesa (un cuarto da poboación da Costa da Morte vive fóra).

Hoxe recollemos os datos do movemento natural da poboación nos últimos 5 anos, cos nacementos e defuncións, vaia, co saldo vexetativo. Porque xa non se pode denominar crecemento vexetativo, porque o saldo sae negativo. Ou negativísimo.

I é que nos últimos 5 anos, analizando os 15 concellos que recollemos en QPC contabilizamos un saldo negativo entre nacementos e defuncións de -2.774. E se incluimos os concellos da comarca de Bergantiños (Laracha, Coristanco e Carballo, que cubriremos nun futuro non lonxano) e Santa Comba, sumamos un saldo de -3.341 nas 5 comarcas que atinxen á Costa da Morte.

Sen dúbida, a comarca de Bergantiños é a máis afectada en termos absolutos, se ben tamén é a máis poboada. O saldo dos 7 concellos bergantiñáns é de -1.302 persoas, sendo os concellos de Carballo e Malpica os máis afectados.

As comarcas de Soneira, Fisterra e Muros suman valores semellantes con arredor dun centenar de persoas menos por comarca e ano. Un dato que mete medo, e que nos sitúa nun futuro cunha pirámide de poboación totalmente invertida, como vimos no último estudio realizado.

Máis información

• IGE: Movemento natural da poboación.

Estudios relacionados

• A Costa da Morte terá en 10 anos 213 maiores de 65 anos por cada menor de 20.
• Continúa a sangría poboacional en Fisterra.
• Un sol que seca.
• Manuel Lema, o nome e o apelido máis frecuente na Costa da Morte.
• 815€ ao mes de media por un traballo na Costa da Morte.
• Un cuarto da poboación da Costa da Morte vive fóra.

Máis novas

• Cando naceu o nome da Costa da Morte.
• A canto sae un ferrado na Costa da Morte?.
• O 95% dos adolescentes engánchanse á internet.
• O Prouxiarado: Fusión de concellos e comarcalización: A pescada que morde a cola.

Fonte

• Redacción de QPC ([email protected]).
• Datos do IGE.