Domingo. 16.06.2024
El tiempo

Axenda dunha fin de semana de Irmandiños, San Pedro e Blues

Ambientacion Asalto ao Castelo de Vimianzo
Vimianzo xa vive a revolta irmandiña
Axenda dunha fin de semana de Irmandiños, San Pedro e Blues

Arrinca o mes de xullo e con el comezan o verdadeiro tempo de verán, o tempo das festas. Ademais do San Pedro, esta finde ten dúas citas especiais: o Asalto e o festival de blues de Fisterra.

Asalto ao Castelo

Hoxe venres arrinca o completo programa do Asalto ao Castelo de Vimianzo. Faino cunha Cea Medieval sempre marabillosa, cos concertos de De Vacas e Monoulious Dop. E continuará o sábado coa feira artesanal, o Asaltiño, o circuito musical, os pinchos irmandiños, o gran concerto das Tanxugueiras, a icónica representación teatral no foxo do castelo, e o fin de festa con Huntza, Lamatumbña e os Festicultores.

Cartel ASALTO AO CASTELO_2023

Fisterra Blues Experience

Arrinca xa o programa do VI Fisterra Blues Experience, con música de máxima calidade por varios escenarios repartidos entre a Langosteira e o Faro, e con actividades singulares como o roteiro sonoro de Xurxo Souto, e a presencia do Mercado de Mulleres Artesás, cheo de postos.

CARTAZ FISTERRA BLUES 2023 copia

Rockin e Festa do Bosque

Rockin Carballo e Festa do Bosque
Rockin Carballo e Festa do Bosque

Doble cita carballesa co Rockin e a Festa do Bosque.

Máis festas

cartel festa das cereixas Paiosaco 2023

Unha das Festas de Interese Turístico da Costa da Morte é a Festa das Cereixas de Paiosaco. Sábado e domingo maridaremos cereixas con billarda de música, contando con Dj Rokiño na xornada do sábado e con Sés o domingo.

As de San Pedro son unhas das festas máis clásicas destes tempos, e temos as de Corcubión, Santa Comba, Muros, Buxantes ou Ponte do Porto en marcha.

Tamén temos as festas de Coucieiro, Muxía.

Festas de San Pedro Costa da Morte 2023

Máis citas

Hector Lera en Ecoturismo Ria de Lires

Ecoturismo Ría de Lires mantén a súa actividade con dúas propostas, unha sardiñada e o concerto de Héctor Lera.

Para os máis comprometidos, recomendamos a sesión vermú-protesta Orgullo Mareiro, que fará o domingo da Praza Ramón Juerga de Laxe o centro das reivindicacións LGTBI da comarca.

E para os máis culturetas, Malpica acolle dúas presentacións literarias. Hoxe venres ás 18:00h con Cristina Mourón Figueroa, e o sábado con Marisa Castro Cerceda.

Así mesmo, hoxe venres ás 20:30 horas, terá lugar na caseta da Igrexa de Brandomil a presentación do documental "O Brandomil soterrado" nun acto no que intervirán o Alcalde de Zas, Manuel Muíño, e Noelia Santos, da Fundación Brandomil.

presentacion-documental-brandomil

Comentarios