Despois dos numerosos actos insitucionais tócaballe á sociedade civil alzar a voz. E a repulsa contra o triple asasinato machista de Valga resoou por toda a comarca. Vilas como Carballo, Carnota ou Cee alzaron a voz, ou máis ben, gardaron silencio, ante un novo episodio de violencia de xénero.

​Concentración en Carballo convocada polo Concello

A Praza de Abaixo de Carnota (a da Pedra) era testemuño do nacemento do colectivo Sonlilá. Foron arredor dun cento de persoas as que se achegaron á concentración. ”A xente precisaba mostrar a sua indignación”, recoñecía unha das impulsoras Carmen Siaba, que despois do comprometido manifesto xa convocaba para este venres á sociedade da vila para participar na chamada “A Noite Violeta”, unha cita nocturna (a partir das 20:30h). A entidade propón acodir cun símbolo, a luz violeta, que se leven lanternas, panos violetas e se pode ser vestidas de negro.
Concentración en Carnota

A Buserana chama á comarca

Así foi a concentración de onte en Cee, convocada pola Organización @buseranas en repulsa ao triple asasinato machista de Valga.
A crónica completa aquí: https://t.co/wqYNSRY21N pic.twitter.com/WNhOW13F7d

— Quepasanacosta (@quepasanacosta) September 19, 2019

Tamén en Cee prepáranse para A Noite Violeta deste venres (ás 21.30 na Praza 8 de marzo), vestidas de negro con algo lila, para simbolizar que o feminismo vai estar na rúa a pesar das graves situacións que se están dando. Así convocou a Organización feminista Buserana tras unha nova concentración chea de emoción.
O manifesto foi parte dun texto de DulceCorcu: “O amor non mata. Non deixa orfos a dous cativos de catro e ste anos que xa, á súa corta idade, enfrontáronse á cara máis voraz do machismo que outros non queren ver”.

”Violencia familiar, doméstica… Eufemismos tan cargados de morte como unha pistola” (…) “Alba e maría nin se quera adquiquirán o lúgubre rango de vítimas de violencia de xénero. Non eran parella, nin ex parella do asasino, e non engrosarán ninha lista oficial, nin recibirán calquera dos exiguos recoñecementos que poideran corresponder aos seus descendentes”.

”Só nos queda a voz, o único que non poden rompernos mentras sigamos vivas”, dicía o manifesto, esperando á Noite Violeta deste venres.

Lendo o manifesto da Buserana-Foto-Rafa Quintáns

Emerxencia feminista

A Organización feminista BUSERANA, así como Sonlilá súmanse á convocatoria  de EMERXENCIA FEMINISTA feita para todo estado venres 20 de setembro. Así fan as convocatorias: 

Este verán viviuse unha barbarie no Estado español. O terrorismo machista amosou a súa cara de novo: no mes de xullo foron asasinadas 13 mulleres e mais unha menor, co que será lembrado como un dos peores en máis dunha década. As violácións grupais, en manada, duplicáronse. Asasinatos, parricidios, trata, pederastia, extorsión, desaparicións, manadas, violacións… cometidos por homes que ven sustentado o seu sentirse con algún dereito sobre as mulleres nunha sociedade machista e patriarcal.
Mais as mulleres negámonos rotundamente a vivir co terror. E tamén hai unha sociedade feminista cada vez maior, cumha forza imparable, que non ha calar até que o mundo sexa xusto e igualitario, e as mulleres non corramos perigo nen suframos desigualdades polo feito de selo.
Non queremos agardar ao 25N, non podemos voltar á rutina coma se nada pasase. É urxente e necesario demostrar que o movemento feminista está sempre presente, e dar resposta contundente ante estes feitos.

Novas relacionadas

• 17-09-19: Numerosos actos de repulsa na Costa da Morte contra o triple asasinato machista de Valga.
• Xullo 19: Fartas de ter loitar contra o feminicidio.
• 23-07-19: A Costa da Morte volve saír á rúa contra o asasinato machista de Vilalba.
• 08-07-19: Laxe berrou contra os violadores de Manresa.
• Maio 19: Consternación e repulsa ante o novo caso de violencia machista de Vimianzo.
• 8M 2019: As mulleres da Costa da Morte protagonizaron unha nova mobilización histórica polo 8M.
• Xaneiro 2019: Carballo volveu berrar #contraasviolencias tralo primeiro asasinato de 2019 e a volta á liberdade da Manada.
• 25N 2018: As Buseranas pechan un histórico 2018 na loita feminista na Costa da Morte.
• Agosto 2018: A Costa da Morte manifestou a súa repulsa á posta en liberdade da Manada.
• Abril 18: Ata a Costa da Morte se manifesta contra a sentenza xudicial á “Manada”.

Reportaxes

• Reportaxe do CIM: "No momento no que tomas consciencia de que estás sendo vítima da violencia machista, a saída está en solicitar apoio".
• "Ata que non teñamos claro que a prostitución, así como a explotación e trata sexual, son violencia de xénero, non avanzaremos na concienciación social".