Nin un camión en marcha, pero moitas palabras ao aire. Así tomamos xas as palabras do Conselleiro Agustín Hernández cando fala da Autovía Costa da Morte. Máis dun ano de parálise das obras (o recoñecido pola Xunta), e volve facer promesas sen que vexamos feito algún.

Esta tarde de mércores 13 de marzo, o Conselleiro aseguraba que "esta prioritaria infraestrutura estará en servizo nesta lexislatura". Non mentirá seguro agora o Conselleiro, pois volve ter 4 anos máis cumplir as promesas.
Dío ademais como se estivera cumplindo as súas promesas electorais, pero resulta que non hai nin un ano falaban de que estaría rematada en 2013 (vemos no vídeo). Agora, toca esperar nada menos que ata o 2016.

Axudando á concesionaria

Saben que os motivos do retraso é a falta de financiamento da UTE que ten a adxudicación da obra. Aí si que estará a Xunta, sinalando que "aínda que ten moi adiantadas as negociacións, a día de hoxe non ten pechada a operación para dispoñer do crédito suficiente para rematar as obras". Recordou o Conselleiro que "é a concesionaria, non a Xunta, a que ten que buscar e formalizar o financiamento que lle permita dispoñer dos recursos necesarios".

Cifras

Malia que dende hai un ano non se moveu un só metro cadrado de terra, a Xunta asegura que " as obras están executadas ao 20% e xa está feita a metade do movemento de terras, as tres cuartas partes das drenaxes transversais e preto do 60% dos pasos inferiores".

O único interesante é que priorizarán "o primeiro treito, o máis longo, entre Carballo e Baio cunha lonxitude de 25 quilómetros, o que se traduce nun 60% do percorrido".

Novas relacionadas

• 04-03-2013: O BNG denuncia a eterna parálise da Autovía Costa da Morte.
• 05-02-13: A Xunta recoñece case un ano de parálise na Autovía Costa da Morte.
• 08-10-12: A Xunta rectifica as verbas de Hernández e insiste en que a Autovía non está paralizada.
• 26-09-12: A Xunta ratifica os retrasos na Autovía ante a falta de financiamento da empresa.
• 22-09-12: A Autovía que separa.
• 20-09-12: A Autovía da Costa da Morte non estará rematada no 2013.
• 19-09-12: Os alcaldes da Costa únense ante a paralización das obras da Autovía.
• 06-06-12: As máquinas volven á Autovía e a Xunta asegura que se cumplirán os seus prazos.
• 24-04-12: O Conselleiro ratifica unha Autovía rematada no 2013 e sen peaxe.
• 13-04-12: Os camións da Autovía paran.
• 03-04-12: Paralizadas as obras da Autovía?.

Máis novas

• Un poboado calcolítico afogado polo asfalto.

Fonte

• Nota de prensa da Xunta.