”Pouco e ovado", a sensación do sector trala apertura da campaña do polbo
”Pouco e ovado, estamos cargándonos o desobe desta campaña”. Así denuncian dende o sur da Costa da Morte a primeira semana dende que arrincou a campaña de extracción do polbo tras unha veda de un mes e medio que consideran “escasa”. Portos como os de Muros ou Lira están collendo moito polbo pequeno e, sobre todo, moito polbo ovado, e boa parte do sector pide vedas máis longas de 2,5-3 meses, como a do ano pasado.
Unha situación, a do polbo, que se vén denunciando dende hai décadas, cun sector que, ademais de sufrir as consecuencias do furtivismo, considera que “unha norma mal colocada por parte de que ten poder de decisión, o político, pode levar ao tacho dúas ou tres campañas”.
Bos prezos
En calquera caso, e ao ser pouco, os prezos son moi altos (a 14€/kg o grande de máis de 2kg, e a 9-10 o pequeno) e dende outros puntos como Malpica esperan que a campaña vaia en aumento a medida que o polbo vaia medrando e que as embarcacións artesanais vaian cambiando xa todas o carro varadoiro ou o aparello pola nasa.
A veda
Cómpre lembrar que se ben cos crustáceos coo as nécoras ou lubrigantes, cando se recollen ovados hai que devolvelo ao mar, o polbo non. Ao ten a ova dentro da cabeza, non se apreza que está ovado ata que se abre xa na lonxa. Ben é certo que os máis veteranos xa saben se o polbo está ovado polo volume da cabeza.
Así, ata o 31 de agosto a cota máxima de captura desta especie é de 35 quilos por barco e día, á que se suman 35 quilogramos diarios por cada tripulante enrolado e a bordo, ata un máximo de 240 quilos por xornada.
No resto da campaña a cota máxima será de 55 quilogramos por embarcación e día, aos que se engaden outros 55 quilos por cada tripulante enrolado e a bordo, ata un máximo de 350 quilos por barco e xornada de traballo.
ARTIGOS SOBRE O POLBO
- Abril 21: A grave situación do polbo enrédase no Parlamento.
- Marzo 21: Reiteran a necesidade de aplicar a veda do polbo ante a nefasta situación.
- Xullo 2020: Polbo e nécoras ovad@s: Os profesionais da nasa lamentan a nefasta xestión das vedas por parte da Xunta.
- Abril 2020: A incerteza do sector do mar ante a tardanza da veda do polbo.
- Maio 2018: Calafateando: Mariñeiro artesanal de polbo: “A veda do polbo é necesaria pero non suficiente” (parte II).
- Maio 2018: Calafateando: Mariñeiro artesanal de polbo: “O que temos que facer para poder saír ó mar” (parte I).
- Xullo 2016: Calafateando: A veda do polbo: necesaria… pero suficiente?.
- Xullo 2014: Alarmante situación a da pesquería do polbo.
